തകരാറിലായ അഗ്നിശമന സേന വാഹനം റോഡിനു കുറുകെ കിടക്കുന്നു
മാവേലിക്കര: ഗവ. ഹയര്‍സെക്കന്‍ഡറി സ്‌കൂളില്‍ ഇന്നലെ നടന്ന ഉപജില്ലാ കലാമത്സരങ്ങള്‍ക്ക് സുരക്ഷയുടെ ഭാഗമായി എത്തിയ അഗ്നിശമനസേനയുടെ വാഹനം പണിമുടക്കി. ഇതിനാല്‍ ബുദ്ധ ജങ്ഷന്‍-ഗണപതി ക്ഷേത്രം റോഡില്‍ 45 മിനിട്ടോളം ഗതാഗതം തടസപ്പെട്ടു. ബുധനാഴ്ച രാവിലെ ഒമ്പതരയോടെയായിരുന്നു സംഭവം. സ്‌കൂളിന്റെ തെക്കേ കവാടത്തിലൂടെ വാഹനം കയറ്റാനുള്ള ശ്രമത്തില്‍ ഗീയര്‍ തകരാറില്‍ വാഹനം നില്‍ക്കുകയായിരുന്നു. റോഡിനു കുറുകെ നിന്നതിനാല്‍ ചെറിയ വാഹനങ്ങള്‍ക്ക് പോലും കടന്നു പോകാന്‍ സാധിച്ചില്ല. പിന്നീട് മെക്കാനിക്കെത്തി തകരാര്‍ പരിഹരിച്ച ശേഷമാണ് വാഹനം നീക്കം ചെയ്തത്.
പ്രതികരിക്കാൻ ഇവിടെ എഴുതുക: