ചെങ്ങന്നൂര്‍: ബൈക്കില്‍ സഞ്ചരിച്ച യുവാക്കള്‍ക്ക് ഓട്ടോറിക്ഷ ഇടിച്ച് ഗുരുതര പരിക്ക്. പാണ്ടനാട് പടിഞ്ഞാറ് ഇറവറാറ്റ് വീട്ടില്‍ വിനീത്(27), വെട്ടിപ്പുഴ വീട്ടില്‍ രതീഷ് (38) എന്നിവര്‍ക്കാണ് പരിക്കേറ്റത്. ഇവരെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഞായറാഴ്ച രാത്രി 11നാണ് അപകടം.
ചെങ്ങന്നൂര്‍പാണ്ടനാട്-പരുമല റോഡില്‍ തുക്കേലത്ത് പടിക്കു സമീപമാണ് അപകടം നടന്നത്. കൊടുവളവായ ഇവിടെ ചെങ്ങന്നൂര്‍ ഭാഗത്തുനിന്നും പാണ്ടനാട്ടിലേക്കു പോയ ഇവരുടെ ബൈക്കില്‍ എതിരെ വന്ന ഓട്ടോറിക്ഷ ഇടിക്കുകയായിരുന്നു. ഇടിയുടെ ആഘാതത്തില്‍ തെറിച്ചുവീണ വിനീതിന്റെ ഇടതു കൈവിരല്‍ ഒടിയുകയും മുഖത്തിനും തലക്കും ഇരുകാലുകള്‍ക്കും ഗുരുതരമായി പരിക്കേല്‍ക്കുകയും ചെയ്തു.
രതീഷിന്റ് പരിക്ക് ഗുരുതരമല്ല. യുവാക്കളെ ഇടിച്ചിട്ടശേഷം ഓട്ടോറിക്ഷ നിര്‍ത്താതെ ഓടിച്ചുപോയി. സംഭവത്തിനുശേഷം ഇതുവഴിയെത്തിയ മറ്റ് യാത്രക്കാരാണ് ഇവരെ ആശുപത്രിയിലെത്തിച്ചത്. അപകട മേഖലയായ ഇവിടെ റോഡില്‍ വഴിവിളക്കുകള്‍ കത്തിക്കാത്തതാണ് അപകടങ്ങള്‍ പെരുകാന്‍ കാരണമെന്ന് നാട്ടുകാര്‍ പറയുന്നു.
പ്രതികരിക്കാൻ ഇവിടെ എഴുതുക: