ഫഹദ്‌ ഫാസിലിനെ നായകനാക്കി വാസുദേവ്‌ സനല്‍ സംവിധാനം ചെയ്യുന്ന ചിത്രമാണ്‌ ഗോഡ്സ്‌ ഓണ്‍ കണ്‍ട്രി. ഇഷ തല്‍വാറും മൈഥിലിയുമാണ്‌ നായികമാര്‍. നവാഗതരായ അരുണ്‍ ഗോപിനാഥ്‌, അനീഷ്‌ ഫ്രാന്‍സിസ്‌, പ്രവീണ്‍ കുമാര്‍ എന്നിവര്‍ ചേര്‍ന്നാണ്‌ ചിത്രത്തിന്റെ തിരക്കഥ ഒരുക്കിയിരിക്കുന്നത്‌.
ശ്രീനിവാസന്‍, ലാല്‍, നന്ദു, ജയരാജ്‌ വാര്യര്‍, മണിക്കുട്ടന്‍, സുധീര്‍ കരമന, വിജയകുമാര്‍, നെല്‍സണ്‍, ലെന, ലക്ഷ്മി പ്രിയ തുടങ്ങിയവരാണ്‌ ചിത്രത്തിലെ മറ്റു താരങ്ങള്‍.
നേരത്തെ റെഡ്‌ എന്നാണ്‌ ചിത്രത്തിന്‌ പേര് നല്‍കിയിരുന്നത്‌. ചിത്രത്തിന്റെ രണ്ട്‌ ഷെഡ്യൂകള്‍ പൂര്‍ത്തിയായി കഴിഞ്ഞു. ഇനി ഒരു ഷെഡ്യൂള്‍ കൂടിയാണ്‌ ബാക്കിയുള്ളത്‌. കൊച്ചിയിലും ദുബായിലുമാണ്‌ ഷൂട്ടിംഗ്‌ നടക്കുന്നത്‌. അരവിന്ദ്‌ കൃഷ്ണയാണ്‌ ഛായാഗ്രഹണം. ഗോപി സുന്ദറാണ്‌ സംഗീതസംവിധാനം.
പ്രതികരിക്കാൻ ഇവിടെ എഴുതുക: