പാലാ: ജില്ലാ പോലീസ് നടപ്പിലാക്കുന്ന ഗുരുകുലം പദ്ധതിയുടെ ഭാഗമായി പാലാ ജനമൈത്രി പോലീസിന്റെ സഹകരണത്തോടെ പാലായില് അത്ലറ്റിക് കോച്ചിംഗ് ക്യാമ്പിനു തുടക്കമായി. പാലായിലും പരിസരപ്രദേശത്തുമുള്ള സ്കൂളുകളിലെ അഞ്ചാം ക്ലാസ് മുതല് ഒന്പതാം ക്ലാസ് വരെയുള്ള കുട്ടികള്ക്കാണ് ആദ്യഘട്ട പരിശീലനം നല്കുന്നത്. രജിസ്റ്റര് ചെയ്ത 50 കുട്ടികളാണ് 20 ദിവസം നീണ്ടുനില്ക്കുന്ന ക്യാമ്പില് പങ്കെടുക്കുന്നത്. ഏപ്രില് 21 മുതല് മെയ് 10 വരെ സെന്റ് തോമസ് കോളജ് ഗ്രൗണ്ടില് നടക്കുന്ന ക്യാമ്പി ല് പ്രഗല്ഭരായ അത്ലറ്റിക് കോച്ചുകളും കേരള പോലീസിലെ മികച്ച സ്പോര്ട്സ് താരങ്ങളും പരിശീലനം നല്കുന്നു. പാലാ കിഴതടിയൂര് ബാങ്ക് ഓഡിറ്റോറിയത്തില് നടന്ന ചടങ്ങില് ജില്ലാ പോലീസ് മേധാവി എം.പി. ദിനേശ് ക്യാമ്പ് ഉദ്ഘാടനം ചെയ്തു. സ്പോര്ട്സിനോടൊപ്പം കുട്ടികളുടെ വ്യക്തിത്വവികസനം, ബന്ധങ്ങളും മൂല്യങ്ങളും ജീവിതത്തില്, സ്വാതന്ത്രസമര സേനാനികളെ അടുത്തറിയല് തുടങ്ങി വിവിധ വിഷയങ്ങള് സംബന്ധിച്ച ക്ലാസ്സുകള് നടക്കും. രാവിലെ 7 മണിക്ക് ക്യാമ്പ് ആരംഭിക്കും. സൗജന്യമായി നടത്തുന്ന ക്യാമ്പില് വിപുലമായ ഒരുക്കങ്ങളാണ് നടത്തിയിട്ടുള്ളത്. ഉദ്ഘാടന സമ്മേളനത്തില് പാലാ ഡിവൈ.എസ്പി ബിജു കെ. സ്റ്റീഫന്, പാലാ ജനറല് ഹോസ്പിറ്റല് സൂപ്രണ്ട് ഡോ. ഉല്പ്പലാ ദേവി, പ്രൊഫ. റ്റി.സി. തങ്കച്ചന്, എസ്. വിഷ്ണുദാസ്, ഷിബു തെക്കേമറ്റം, സോജന് തറപ്പേല്, പാലാ സിഐ ക്രിസ്പന്ശ്യാം എന്നിവര് പ്രസംഗിച്ചു. സെന്റ് തോമസ് ട്രെയിനിംങ് കോളജിലെ അധ്യാപകര് ക്യാമ്പിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: