അബുദാബി: ഏറ്റവും മികച്ച ഷോപ്പിങ്ങ്‌ സൗകര്യങ്ങളുമായി ലുലു വിന്റെ 108ാ‍മത്തെ ഹൈപ്പര്‍ മാര്‍ക്കറ്റ്‌ അബുദാബി മുസാഫ, മുഹമ്മദ്‌ ബിന്‍ സിയാദ്‌ സിറ്റിയിലെ ന്യൂ കാപ്പിറ്റല്‍ മാളില്‍ പ്രവര്‍ത്തനം ആരംഭിച്ചു. 230,000 സ്ക്വയര്‍ ഫീറ്റിലുള്ള അബുദാബിയുടെ കാപ്പിറ്റല്‍ സിറ്റിയിലെ ലുലു ഹൈപ്പര്‍ മാര്‍ക്കറ്റ്‌ യു എ ഇ സാംസ്കാരിക, യൂത്ത്‌ ആന്റ്‌ കമ്മ്യൂണിറ്റി ഡെവലപ്മെന്റ്‌ മന്ത്രി ഷെയ്ക്‌ നഹ്യാന്‍ ബിന്‍ മുബാറക്‌ അല്‍ നഹ്യാന്‍ ഉദ്ഘാടനം ചെയ്തു. രണ്ട്‌ നിലകളിലായി പരന്ന്‌ കിടക്കുന്ന ഹൈപ്പര്‍മാര്‍ക്കറ്റിന്റെ താഴത്തെ നിലയില്‍ ഭക്ഷണ, പലവ്യഞ്ജന വിഭാഗവും ഒന്നാം നിലയില്‍ ലൈഫ്‌ സ്റ്റെയില്‍ ഉല്‍പന്നങ്ങളുമാണ്‌ ഉള്ളത്‌.
ലുലു ഗ്രൂപ്പ്‌ ഇതുവരെ ആരംഭിച്ചതിലെ ഏറ്റവും വലിയ ഹൈപ്പര്‍മാര്‍ക്കറ്റായ ഇവിടെ ഉപഭോക്താക്കളുടെ മാറുന്ന ട്രെന്റുകളും ആവശ്യങ്ങളും അനുസരിച്ച്‌ ഉന്നത നിലവാരവും മികച്ച സൗകര്യങ്ങളും ഒരുക്കുവാന്‍ കഴിഞ്ഞിട്ടുണ്ടെന്ന്‌ ലുലു ഗ്രൂപ്പ്‌ മാനേജിങ്ങ്‌ ഡയറക്ടര്‍ എം എ യൂസഫലി പറഞ്ഞു.
ഉപഭോക്താക്കള്‍ക്ക്‌ ലോകനിലവാരത്തിലുള്ള ഷോപ്പിങ്ങ്‌ സൗകര്യങ്ങള്‍ അവരുടെ ഏറ്റവും അടുത്തേക്ക്‌ എത്തിക്കുക എന്നതാണ്‌ തങ്ങളുടെ ലക്ഷ്യം എന്നും യൂസഫലി വ്യക്തമാക്കി.
പ്രതികരിക്കാൻ ഇവിടെ എഴുതുക: