കണമല: കണമലയിറക്കത്തില് കോസ്വേയ്ക്ക് തൊട്ടുമുകളിലുണ്ടായ വാഹനാപകടത്തില് ശബരിമല തീര്ത്ഥാടകന് പരിക്കേറ്റു. കര്ണാടക സ്വദേശി വെങ്കിടേഷി (21)നാണ് പരിക്കേറ്റത്. ഇന്നലെ രാവിലെ 11മണിയോടെയായിരുന്നു അപകടം. കണമല ഇറക്കത്തില് നിയന്ത്രണം തെറ്റി വന്ന ബസ് കോസ്വേ കടക്കുന്നതിനായി കാത്തുനിന്ന വാഹനങ്ങളില് ഇടിക്കുകയായിരുന്നു.
അപകടത്തില് രണ്ടുകാറുകളുടെ മുന്വശവും ട്രാവലറിന്റെ പുറകുവശവും തകര്ന്നു. ഇടിയുടെ ശക്തിയില് റോഡില് നിന്നും തെന്നിമാറിയ ബസ് റോഡരികില് കിടന്ന ടിപ്പര് ലോറിയില് ഇടിച്ചു നിന്നതിനാല് കൂടുതല് അപകടം ഒഴിവായി.
കണമല ഇറക്കത്തില്ക്കൂടിയുള്ള അന്യസംസ്ഥാന ബസുകളുടെ സര്വ്വീസ് കര്ശനമായി പരിശോധിക്കണമെന്നും നാട്ടുകാര് ആവശ്യപ്പെട്ടു. ബസ്സപകടത്തില് പരിക്കേറ്റവരെ എരുമേലി സാമൂഹികാരോഗ്യകേന്ദ്രത്തില് പ്രാഥമിക ചികിത്സ നല്കി വിട്ടയച്ചു. കഴിഞ്ഞദിവസം കണമലയില് ജംഗ്ഷനില്തന്നെ ബസ് നിയന്ത്രണം വിട്ട് മൂന്നോളം വാഹനങ്ങളില് ഇടിച്ചിരുന്നു. മോട്ടോര് വാഹന വകുപ്പിന്റെയും പൊലീസിന്റെയും ജാഗ്രതയാണ് അപകടം ഒഴിവാക്കാന് കാരണമാകുന്നത്.
പ്രതികരിക്കാൻ ഇവിടെ എഴുതുക: