നെവാഡാ: അമേരിക്കയിലെ സ്‌ക്കൂളില്‍ വിദ്യാര്‍ത്ഥി നടത്തിയ വെടിവയ്പ്പില് അധ്യാപകന്‍ മരിച്ചു. ആക്രമണത്തിന് ശേഷം 12 വയസുകാരനായ അക്രമി സ്വയം വെടി വച്ച് മരിച്ചു.
രണ്ട് കുട്ടികള്‍ പരിക്കേറ്റിട്ടുണ്ട്. പ്രദേശിക സമയം 7.30യോടെ സ്പാര്‍ക്ക്‌സ് മിഡില്‍ സ്‌ക്കൂളിലാണ് ആക്രമണമുണ്ടായത്. ഈ സമയം കുട്ടികളെ മാതാപിതാക്കള്‍ സ്‌ക്കൂളിലേക്ക് കൊണ്ടുവരുന്ന നേരം കൂടിയായിരുന്നു.
മാതാപിതാക്കളുടെ സെമിഓട്ടോമാറ്റിക് തോക്കുമായി സ്‌കൂളിലെത്തിയ വിദ്യാര്‍ത്ഥി തുരുതുരാ നിറയൊഴിക്കുകയായിരുന്നു. മറ്റു കുട്ടികളെ രക്ഷിക്കുന്നതിനിടെയാണ് അദ്ധ്യാപകന് വെടിയേറ്റത്.
കുട്ടികള്‍ക്ക് സംരക്ഷണ കവചം തീര്‍ത്ത് നിന്ന അദ്ധ്യാപകനോട് മാറിനില്‍ക്കാന്‍ അക്രമി പറഞ്ഞെങ്കിലും അയാള്‍ വഴങ്ങിയില്ല. തുടര്‍ന്ന് വിദ്യാര്‍ത്ഥി അദ്ധ്യാപകനു നേരെ നിറയൊഴിക്കുകയായിരുന്നു.
പ്രതികരിക്കാൻ ഇവിടെ എഴുതുക: