ഗുവാഹത്തി: ആസാമില്‍ കാര്‍ഗോ ട്രക്കും മിനിവാനുകളും തമ്മില്‍ കൂട്ടിയിടിച്ച് 28 ഓളം പേര്‍ മരിച്ചു. 20ഓളം പേര്‍ക്ക് പരുക്കേറ്റു.
13 കുട്ടികളും 5 സ്ത്രീകളും മരിച്ചവരില്‍ ഉള്‍പ്പെടുന്നു. അസമിലെ ബാര്‍പേത്ത ജില്ലയിലാണ് അപകടം ഉണ്ടായത്. അമിതവേഗതയിലായിരുന്ന ട്രക്ക് രണ്ട് മിനിവാനുകളുമായി കൂട്ടിയിടിക്കുകയായിരുന്നു.
ഗുവാഹത്തിയില്‍ നിന്നും 160 കിലോമീറ്റര്‍ അകലെയാണ് സംഭവം. ഇഷ്ടിക കളത്തില്‍ പണിക്കുപോയ തൊഴിലാളികളാണ് അപകടത്തില്‍ പെട്ടത്.
പശ്ചിമബംഗാളിലേക്ക് പോകുകയായിരുന്ന പത്ത് ചക്രങ്ങളുള്ള ട്രക്ക് മുമ്പില്‍ നിന്നും വരികയായിരുന്ന മിനിവാനുകളെ ഇടിച്ചുതെറിപ്പിക്കുകയായിരുന്നു. ട്രക്കില്‍ ഉണ്ടായിരുന്ന രണ്ടുപേരും മരിച്ചതായാണ് സൂചന.
പ്രതികരിക്കാൻ ഇവിടെ എഴുതുക: