എരുമേലി: എസ്എന്ഡി പി യോഗം എരുമേലി യൂണിയന്റെ നേതൃത്വത്തില് ചതയദിനമായ 22ന് ‘മഹാഗുരു ജയന്തി ദിന’ മായി ആഘോഷിക്കുമെന്ന് യൂണിയന് സെക്രട്ടറി ശ്രീകുമാര് ശ്രീപാദവും പ്രസിഡന്റ് എം.വി.അജിത്കുമാറും അറിയിച്ചു. ആഘോഷങ്ങളുടെ ഭാഗമായി ചിങ്ങം ഒന്നിന് പതാക ദിനമായി ആചരിക്കും. എല്ലാ ഭവനങ്ങളിലും അന്നേ ദിവസം പതാക ഉയര്ത്തും. റാലി, ടൂവീലര്, ഗൃഹോപകരണ വിതരണ ഉദ്ഘാടനം, കഴിഞ്ഞ പത്താം കഌസ് പരീക്ഷയില് എല്ലാ വിഷയങ്ങള്ക്കും എപഌസ് ലഭിച്ച വിദ്യാര്ത്ഥികള്ക്ക് കാഷ് അവാര്ഡ് വിതരണം എന്നിവ നടക്കും.
22ന് ഉച്ചകഴിഞ്ഞ് 2ന് യൂണിയന് നേതാക്കള് നേതൃത്വം നല്കുന്ന ‘മഹാഗുരു ജയന്തി റാലി’ ശബരി ആറ്റോറിയത്തിന് സമീപത്തുനിന്ന് ആരംഭിയ്ക്കും. റാലിയില് നിശ്ചലദൃശ്യങ്ങള്,താളമേളങ്ങള്, പൂത്താലമേന്തിയ ബാലികമാര് തുടങ്ങിയ വിവിധ പരിപാടികളോടെയാണ് ജയന്തി ആഘോഷം നടക്കുക. റാലി ടൗണ് ചുറ്റി വലിയമ്പലത്തിന് സമീപം ആലംപള്ളിയില് സമാപിക്കും. തുടര്ന്ന് ചേരുന്ന സമ്മേളനം എസ്എന്ഡിപി യോഗം മുന് പ്രസിഡന്റ് അഡ്വ.വിദ്യാസാഗര് ഉദ്ഘാടനം ചെയ്യും. മഹാഗുരു ജയന്തി ആഘോഷങ്ങളുടെ ഭാഗമായി യൂണിയന് യൂത്ത്മൂവ്മെന്റിന്റെ നേതൃത്വത്തില് ‘റോഡ് ഷോ’ സംഘടിപ്പിച്ചിട്ടുണ്ട്. യൂത്ത് മൂവ്മെന്റ് പ്രസിഡന്റ് എം.ബി.സതീഷും, സെക്രട്ടറി ജി.വിനോദും നേതൃത്വം നല്കും. സമ്മേളനത്തില് വച്ച് എസ് എന്ഡിപി യോഗം എരുമേലി യൂണിയന് നടപ്പാക്കുന്ന വിവിധ പദ്ധതികളുടെ ഉദ്ഘാടനങ്ങള് നടത്തും. മൂന്ന് കോടിരൂപയുടെ സൗജന്യ ഇന്ഷൂറന്സ് പദ്ധതിയാണ് ഇതില് പ്രധാനം. ഇതിന്റെ ഉദ്ഘാടനം അഡ്വ.വിദ്യാസാഗര് നിര്വ്വഹിയ്ക്കും. സമ്മേളനത്തില് യൂണിയന് സെക്രട്ടറി ശ്രീകുമാര് ശ്രീപാദം, പ്രസിഡന്റ് എം.വി.അജിത് കുമാര്, യൂണിയന് വൈസ് പ്രസിഡന്റ് കെ.ബി.ഷാജി , ബോര്ഡ് മെമ്പര് കെ.എസ്.മോഹന്ദാസ്, അനില് ആലപ്ര, റ്റി.എസ്.ബിജു, പി.വി.കമലാഹാസന്, ജി.വിനോദ്, റ്റി.ആര്.രവീന്ദ്രന്, പി.പി.കരുണാകരന്,രാജമ്മ നാരായണന്, രവി കുമാര് കോവൂര് തുടങ്ങിയവര് പ്രസംഗിക്കും.
പ്രതികരിക്കാൻ ഇവിടെ എഴുതുക: