എരുമേലി: പ്രൈവറ്റ് ബസ്റ്റാന്റിനു സമീപമുള്ള വിദേശ മദ്യ വില്പന ശാലയില് ഭിത്തി തുരന്ന് വന് മോഷണം. രണ്ടായിരത്തിലധികം രൂപ വിലവരുന്ന മദ്യമാണ് മോഷ്ടിക്കപ്പെട്ടിരിക്കുന്നത്.
ഇന്നലെ വൈകുന്നേരം ഹര്ത്താലിനുശേഷം മദ്യസാല തുറക്കുന്നതിനിടെയാണ് മോഷണവിവരം അറിയുന്നത്. മദ്യശാലയുടെ ഒരു ഷട്ടര് തുറന്നതിനുശേഷം വാതില് തുറന്ന് അകത്ത് കയറിയപ്പോഴാണ് മദ്യം സ്റ്റോക്ക് ചെയ്തിരിക്കുന്ന മുറിയില് മദ്യം അടുക്കിവച്ചത് മറിഞ്ഞു കിടക്കുന്നതായി കണ്ടത്. തുടര്ന്ന് നടത്തിയ അന്വേഷണത്തില് എസ്ബിറ്റി ബാങ്കിനോട് ചേര്ന്നുള്ള ഭിത്തി തുരന്നാണ് മോഷണം നടത്തിയതായി കണ്ടത്. മോഷണംപോയ മദ്യകുപ്പികളുടെ കണക്കുകള് കൃത്യമാക്കാന് രണ്ടുദിവസം എടുക്കുമെന്നും അധികൃതര് പറഞ്ഞു. ജില്ലാ ഓഡിറ്റ് സംഘം കണക്ക് എടുക്കണമെന്നും അവര് പറഞ്ഞു. എന്നാല് പണം എടുത്തിട്ടില്ലെന്നും പൊലിസ് പറഞ്ഞു. സംഭവത്തെ തുടര്ന്ന് മണിമല സിഐ, എരുമേലി എസ്ഐ എന്നിവരുടെ നേതൃത്വത്തില് പൊലിസ് എത്തി നടപടികള് സ്വീകരിച്ചു.
പ്രതികരിക്കാൻ ഇവിടെ എഴുതുക: