കൊച്ചി: എംഎസ്‌എസ്‌എം സംസ്ഥാന പ്രവര്‍ത്തക കണ്‍വെന്‍ഷന്‍ ഇന്ന്‌ ടിഡിഎം നടക്കും. രാവിലെ 10ന്‌ ആരംഭിക്കുന്ന കണ്‍വെന്‍ഷന്‍ അക്കീരമണ്‍ കാളിദാസന്‍ ഭട്ടതിരിപ്പാട്‌ ഉദ്ഘാടനം ചെയ്യും.
ഭാരതീയ സംസ്കാരം ഉയര്‍ത്തിപ്പിടിച്ചുകൊണ്ട്‌, സംസ്ഥാനത്തെ മുന്നോക്ക വിഭാഗത്തില്‍പ്പെട്ട 35ല്‍ പരം സംഘടനകളെ ഏകോപിപ്പിച്ചുകൊണ്ട്‌ നടക്കുന്ന കണ്‍വെന്‍ഷനില്‍ സ്വാഗതസംഘം ചെയര്‍മാന്‍ രാമചന്ദ്രന്‍ (വേണു) അദ്ധ്യക്ഷത വഹിക്കും. എംഎസ്‌എസ്‌എം ജനറല്‍ സെക്രട്ടറി സി.എസ്‌.നായര്‍ സ്വാഗതം പറയും. തപസ്യ സംസ്ഥാന അദ്ധ്യക്ഷനും കവിയുമായ എസ്‌.രമേശന്‍നായര്‍ മുഖ്യപ്രഭാഷണം നടത്തും.
എംഎസ്‌എസ്‌എം സംസ്ഥാന വൈസ്‌ പ്രസിഡന്റ്‌ പി.ജി.ശശികുമാര്‍ വര്‍മ്മ സംസാരിക്കും. രാവിലെ 11.30ന്‌ നടക്കുന്ന സംഘടനാ ചര്‍ച്ച എംഎസ്‌എസ്‌എം വൈസ്‌ പ്രസിഡന്റ്‌ താമരക്കുളം വാസുദേവന്‍ നമ്പൂതിരി നയിക്കും. എംഎസ്‌എസ്‌എം സംസ്ഥാന ട്രഷറര്‍ ഡോ.പ്രദീപ്‌ ജ്യോതി നന്ദി പറയും. ബി.ഗിരിരാജന്‍, ശാന്തകുമാരി മേനോന്‍ റിട്ട. ജഡ്ജ്‌, കെ.സി.മാനവര്‍മ്മ രാജ, കെ.പി.കെ.മേനോന്‍, ബാബു പണിക്കര്‍, തോട്ടം നാരായണന്‍ നമ്പൂതിരി, നാരായണന്‍ ടി.പി., എന്‍.ഇ.ഭാസ്ക്കരമാരാര്‍, വല്ലഭന്‍ നമ്പൂതിരി, എം.പി.രവീന്ദ്രനാഥന്‍, വി.രാമലിംഗം, അഡ്വ.വി.ശാന്താറാം, സി.എന്‍.ഭാസ്ക്കരന്‍ നമ്പ്യാര്‍, പെരുമറ്റം രാധാകൃഷ്ണന്‍ നായര്‍, വി.കെ.നാരായണന്‍, എന്‍.കെ.രാധാകൃഷ്ണന്‍, ശ്രീനാഥ്‌ പുതുമന, മാലതി അന്തര്‍ജനം, ടി.എം.അരവിന്ദാക്ഷകുറുപ്പ്‌, സുരേഷ്ബാബു, ദേവദാസ്‌ കുട്ടമ്പൂര്‌, ടി.പി.സതീഷ്‌ കുമാര്‍, പി.വി.മുരളീധരന്‍, അഡ്വ.എ.അനില്‍കുമാര്‍ തുടങ്ങിയവര്‍ സംസാരിക്കും.
പ്രതികരിക്കാൻ ഇവിടെ എഴുതുക: