സാവോ പോളോ: ലോക ഫുട്ബോളിലെ പുത്തന്‍ പ്രതിഭയായ ബ്രസീലിയന്‍ സ്ട്രൈക്കര്‍ നെയ്മര്‍ പുതിയ സീസണില്‍ സ്പാനിഷ്‌ സൂപ്പര്‍ ക്ലബ്ബ്‌ ബാഴ്സലോണയ്‌ക്കുവേണ്ടി പന്തു തട്ടുമെന്ന്‌ ഏറെക്കുറെ ഉറപ്പായി. സാന്റോസില്‍ നിന്ന്‌ ബാഴ്സയില്‍ ചേക്കേറുന്ന കാര്യം നെയ്മര്‍ ട്വിറ്ററിലൂടെ വെളിപ്പെടുത്തി. കോണ്‍ഫെഡറേഷന്‍ കപ്പിനുശേഷം പുതിയ ടീമിനൊപ്പം ചേരുമെന്ന്‌ താരം. നെയ്മറെ ടീമിലെത്തിക്കുന്നത്‌ സംബന്ധിച്ച്‌ ബാഴ്സ അധികൃതരും സ്ഥിരീകരണം നടത്തിയിട്ടുണ്ട്‌.
നെയ്മറുമായി ബാഴ്സ അഞ്ച്‌ വര്‍ഷത്തെ കരാര്‍ ഒപ്പിടുമെന്നാണ്‌ അറിയുന്നത്‌. നെയ്മറിന്റെ ക്ലബ്ബ്‌ മാറ്റത്തെപ്പറ്റി ഏറെ നാളുകളായി അഭ്യൂഹങ്ങള്‍ പരന്നിരുന്നു. ബാഴ്സയുടെ ബദ്ധവൈരികളായ റയല്‍ മാഡ്രിഡ്‌ നെയ്മറെ സ്വന്തമാക്കാന്‍ നീക്കമാരംഭിച്ചെന്നും റിപ്പോര്‍ട്ടുകള്‍ പുറത്തുവന്നു. എന്നാല്‍ അതിനെയെല്ലാം അസ്ഥാനത്താക്കുന്നതായി പുതിയ വാര്‍ത്ത.
പ്രതികരിക്കാൻ ഇവിടെ എഴുതുക: