കൊച്ചി: ഇടപ്പള്ളി റെയില്‍വേ മേല്‍പ്പാലത്തിലെ വഴിവിളക്കുകള്‍ തെളിയിക്കാന്‍ അടിയന്തരമായി നടപടി സ്വീകരിക്കണമെന്നും, കുന്നുപുറം 36-ാ‍ം ഡിവിഷനിലെ ഇലക്ട്രിസിറ്റി ഉപഭോക്താക്കളെ ചേരാനല്ലൂര്‍ പഞ്ചായത്തിന്റെ കീഴിലേക്ക്‌ മാറ്റുന്നതിനുള്ള കെഎസ്‌ഇബിയുടെ നീക്കം ഉപേക്ഷിക്കണമെന്നും ബിജെപി ജില്ലാ പ്രസിഡന്റ്‌ അഡ്വ.പി.ജെ.തോമസ്‌ ആവശ്യപ്പെട്ടു. പൊതുജനങ്ങളുടെ അസൗകര്യം പരിഗണിക്കാതെ അധികാരികളും ഭരണകര്‍ത്താക്കളും നടത്തുന്ന ഈ നീക്കം ഉപേക്ഷിക്കണമെന്ന്‌ ആവശ്യപ്പെട്ട്‌ ബിജെപി കുന്നുംപുറം കവലയില്‍ സംഘടിപ്പിച്ച സായാഹ്ന ധര്‍ണ ഉദ്ഘാടനം ചെയ്ത്‌ സംസാരിക്കുകയായിരുന്നു അദ്ദേഹം.
ജില്ലാജനറല്‍ സെക്രട്ടറി എന്‍.പി.ശങ്കരന്‍കുട്ടി, എറണാകുളം നിയോജകമണ്ഡലം പ്രസിഡന്റ്‌ കെ.എസ്‌.സുരേഷ്കുമാര്‍, സെക്രട്ടറിമാരായ യു.ആര്‍.രജേഷ്‌, പി.ജി.മനോജ്കുമാര്‍, സംസ്ഥാന കൗണ്‍സില്‍ അംഗം പി.എന്‍.ശങ്കരനാരായണന്‍, എന്‍ട്രാക്ക്‌ ജില്ലാ ട്രഷറര്‍ ഫ്രാന്‍സീസ്‌ മണി, ഡിവിഷന്‍ പ്രസിഡന്റ്‌ ജയന്‍ തോട്ടുങ്കല്‍, യുവമോര്‍ച്ച മണ്ഡലം ജനറല്‍ സെക്രട്ടറി സുബീഷ്‌ വടക്കേടത്ത്‌, മഹിളാ മോര്‍ച്ച സംസ്ഥാന സെക്രട്ടറി ഷാലി വിനയന്‍, ബിജെപി വടുതല- പച്ചാളം മേഖല പ്രസിഡന്റ്‌ കെ.ശിവരാമന്‍, പട്ടികജാതി മോര്‍ച്ച സംസ്ഥാന സമിതി അംഗം കെ.എ.തങ്കപ്പന്‍, മണ്ഡലം പ്രസിഡന്റ്‌ കെ.ബി.മുരളി, കര്‍ഷക മോര്‍ച്ച ജില്ലാ വൈസ്‌ പ്രസിഡന്റ്‌ പി.ബി.സുജിത്ത്‌, ബിജെപി കളമശ്ശേരി നിയോജകമണ്ഡലം വൈസ്‌ പ്രസിഡന്റ്‌ ചന്ദ്രിക, ചേരാനല്ലൂര്‍ പഞ്ചായത്ത്‌ പ്രസിഡന്റ്‌ എ.പി.ശെല്‍വരാജ്‌, എം.കെ.ദിലീപ്കുമാര്‍, വി.വി.ലക്ഷ്മണന്‍, ചിറ്റൂര്‍ മജൂ, എം.എ.സുധാകരന്‍ തുടങ്ങിയവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: