കൊച്ചി: തലശേരിയിലെ ഫസല്‍ വധക്കേന്റെ അന്വേഷണ പുരോഗതി റിപ്പോര്ട്ട് ഒരാഴ്ചയ്ക്കകം സമര്‍പ്പിക്കാന്‍ സി.ബി.ഐയോട്‌ ഹൈക്കോടതി നിര്‍ദേശിച്ചു. കേസില്‍ മുന്‍ ആഭ്യന്തരമന്ത്രി കോടിയേരി ബാലകൃഷ്ണന്റെ പങ്ക്‌ അന്വേഷിക്കാന്‍ തയാറാണെന്ന്‌ സംസ്ഥാന സര്‍ക്കാര്‍ ഹൈക്കോടതിയെ അറിയിച്ചു.
സര്‍ക്കാരിന്‌ വേണ്ടി ഡയറക്ടര്‍ ജനറല്‍ ഓഫ്‌ പ്രോസിക്യൂഷന്‍സ്‌ ആണ്‌ നിലപാട്‌ അറിയിച്ചത്‌. കൊലയ്‌ക്ക്‌ പിന്നിലെ ഗൂഢാലോചന അന്വേഷിക്കാന്‍ തയാറാണെന്നും സര്‍ക്കാര്‍ അറിയിച്ചു. കോടിയേരി ബാലകൃഷ്ണന്റെ പങ്കിനെക്കുറിച്ച് അന്വേഷിക്കണമെന്ന് ആവശ്യപ്പെട്ട് ഫസലിന്റെ ഭാര്യ സമര്‍പ്പിച്ച ഹര്‍ജി പരിഗണിക്കുകയായിരുന്നു ഹൈക്കോടതി.
2006 ഒക്‌ടോബര്‍ 22നാണ് തലശ്ശേരി കോടിയേരി മാടപ്പീടികയില്‍ ഫസല്‍ കൊല്ലപ്പെട്ടത്. സി.പി.എം. പ്രവര്‍ത്തകനായിരുന്ന ഫസല്‍ എന്‍ഡിഎഫിലേക്ക് മാറിയതിന്റെ വിരോധത്തെ തുടര്‍ന്നാണ് കൊല്ലപ്പെട്ടത്. ഫസലിനെ കൊല്ലാന്‍ സി.പി.എം പ്രാദേശിക ഘടകത്തിന്റെ നേതൃത്വത്തില്‍ ഗൂഢാലോചന നടന്നുവെന്നും മാരകായുധവുമായി പ്രതികള്‍ കൊല നടത്തി എന്നുമാണ് സി.ബി.ഐയുടെ ആരോപണം.
പ്രതികരിക്കാൻ ഇവിടെ എഴുതുക: