സില്വര് ഹില്സ് ട്രോഫി വനിതാ വിഭാഗത്തില് ജേതാക്കളായ കോഴിക്കോട് ടീം ട്രോഫിയുമായി
കോഴിക്കോട്: സില്വര് ഹില്സ് എച്ച്.എസ്.എസ് കോര്ട്ടില് ആവേശകരമായി നടന്ന 18-ാമത് സില്വര് ഹില് ട്രോഫി ദക്ഷിണേന്ത്യന് സ്കൂള് ബാസ്കറ്റ്ബോള് ടൂര്ണമെന്റില് ആതിഥേയരായ സില്വര് ഹില്സ് എച്ച്.എസ്.എസ് കോഴിക്കോട്, പ്രൊവിഡന്സ് ഗേള്സ് എച്ച്.എസ്.എസ് കോഴിക്കോട് എന്നിവര് ജേതാക്കളായി.
ആണ്കുട്ടികളുടെ ഫൈനലില് ചങ്ങനാശ്ശേരി എ.കെ.എം പബ്ലിക് സ്കൂളിനെ 56-40 എന്ന സ്കോറിനാണ് സില്വര് ഹില്സ് പരാജയപ്പെടുത്തിയത്. പെണ്കുട്ടികളുടെ വിഭാഗത്തില് കോഴിക്കോടിന്റെ പ്രിയ ടീമായ പ്രൊവിഡന്സ് ഗേള്സ് എച്ച്.എസ്.എസ് 49-34 എന്ന സ്കോറിന് കാരമട എസ്.വി.ജി.വി മെട്രിക്കുലേഷന് സ്കൂളിനെ തകര്ത്ത് കിരീടം ചൂടി. അണ്ടര്-13 മിനി ബോയ്സ് വിഭാഗത്തില് ദേവഗിരി പബ്ലിക് സ്കൂളിനെ 62-35 ന് തോല്പ്പിച്ച് സില്വര് ഹില്സ് ആണ്കുട്ടികളുടെ വിഭാഗത്തില് ക്ലീന് സ്വീപ് നടത്തി.
