ലണ്ടണ്: ഇംഗ്ലണ്ട് ടെസ്റ്റ് ടീം ക്യാപ്റ്റന് ബെന് സ്റ്റോക്സ് ഭാവിയില് ടീമിന്റെ മുഖ്യ പരിശീലകനാകാനുള്ള തന്റെ ആഗ്രഹം വ്യക്തമാക്കി. കളിക്കളത്തില് നിന്ന് വിരമിച്ച ശേഷം പരിശീലകന്റെ കുപ്പായമണിയാന് തനിക്ക് താല്പര്യമുണ്ടെന്നാണ് അദ്ദേഹം വെളിപ്പെടുത്തിയത്. എന്നാല് ഏകദിന, ട്വന്റി20 ക്രിക്കറ്റുകളിലേക്ക് ഇനിയൊരു തിരിച്ചുവരവ് ഉണ്ടാകില്ലെന്ന് സ്റ്റോക്സ് വ്യക്തമാക്കി.
പരിമിത ഓവര് ക്രിക്കറ്റില് നിന്ന് നേരത്തെ തന്നെ വിരമിക്കല് പ്രഖ്യാപിച്ച താരം, ഇനി ടെസ്റ്റ് ക്രിക്കറ്റിലും ഭാവിയിലെ പരിശീലക റോള് എന്ന ലക്ഷ്യത്തിലും മാത്രമായിരിക്കും ശ്രദ്ധ കേന്ദ്രീകരിക്കുക. ഭാവിയില് ഇംഗ്ലണ്ട് ടീമിന്റെ പരിശീലകസ്ഥാനം ഏറ്റെടുക്കുന്നത് വലിയൊരു ഉത്തരവാദിത്തവും വെല്ലുവിളിയുമായിരിക്കും എന്ന് ചൂണ്ടിക്കാണിച്ച സ്റ്റോക്സ്, ആ റോള് താന് ഏറെ ആഗ്രഹിക്കുന്നുണ്ടെന്നും കൂട്ടിച്ചേര്ത്തു.
