വയനാട്: ശക്തമായ മഴയെത്തുടര്ന്ന് വയനാട്ടില് എല്ലാവിധ വിനോദസഞ്ചാര കേന്ദ്രങ്ങളിലെ സന്ദര്ശനങ്ങള്ക്കും ക്വാറികളുടെ പ്രവര്ത്തനത്തിനും നിയന്ത്രണം ഏര്പ്പെടുത്തി ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കളക്ടര് ഡി ആര് മേഘശ്രീ ഉത്തരവായി. ട്രക്കിംഗ്, അഡ്വഞ്ചര് ടൂറിസം സെന്ററുകള്, ഹോം സ്റ്റേ, റിസോര്ട്ട് ഉള്പ്പെടെയുള്ള എല്ലാ ടൂറിസ്റ്റ് കേന്ദ്രങ്ങള്ക്കും നിയന്ത്രണം ബാധകമാണ്. കള്ളാടി- ആനക്കാംപൊയില് തുരങ്കപാത മേഖല, മുണ്ടക്കൈ-ചൂരല്മല ദുരന്ത ബാധിത പ്രദേശങ്ങളിലെ ആളുകളെ ആവശ്യമെങ്കില് മാറ്റിതാമസിപ്പിക്കാന് മേപ്പാടി ഗ്രാമപഞ്ചായത്ത് സെക്രട്ടറിക്കും നിര്ദേശം നല്കിയിട്ടുണ്ട്.
ടൗണ്ഷിപ്പ് നിര്മ്മാണ മേഖലയില് മണ്ണൊലിപ്പ് ഭീഷണി നേരിടുന്ന പ്രദേശത്തെ കുടുംബങ്ങളെ മാറ്റിതാമസിപ്പിക്കേണ്ട സാഹചര്യം ഉണ്ടെങ്കില് ചീഫ് ഓപ്പറേറ്റിങ് ഓഫീസര്, കല്പ്പറ്റ നഗരസഭ സെക്രട്ടറിമാര് സംയുക്തമായി നടപടി സ്വീകരിക്കണം. ഉത്തരവ് ലംഘിക്കുന്നവര്ക്കെതിരെ ദുരന്തനിവാരണ നിയമം 2005 സെക്ഷന് 52(ബി) പ്രകാരം ശിക്ഷാ നടപപടികള് സ്വീകരിക്കുമെന്നും ജില്ലാ കളക്ടര് അറിയിച്ചു.
