ലണ്ടന്: ബീഹാറുകാരനായ കനിഷ്ക നാരായണിനെ യുകെയിലെ ആദ്യ എഐ (നിര്മിതബുദ്ധി) മന്ത്രിയായി നിയമിച്ചു. ഭാരതത്തില് നിന്ന് കുടിയേറിയ കനിഷ്ക നാരായണ് ബീഹാറിലെ മുസാഫര്പൂരിലാണ് ജനിച്ചത്. 12-ാം വയസില് കുടുംബം കാര്ഡിഫിലേക്ക് കുടിയേറി.
യുകെയിലേക്ക് കുടിയേറിയശേഷം കാര്ഡിഫ് സ്കൂളില് നിന്ന് സ്കോളര്ഷിപ്പോടെയാണ് അദ്ദേഹം ബ്രിട്ടനിലെ ഈറ്റണ് കോളജില് എത്തുന്നത്. പിന്നീട് ഓക്സ്ഫോഡ് സര്വകലാശാലയില് നിന്ന് ഫിലോസഫി, പൊളിറ്റിക്സ്, എക്കണോമിക്സ് എന്നിവയില് ബിരുദാനന്തരബിരുദം നേടി. അതിനുശേഷം യുഎസിലെ സ്റ്റാന്ഫോര്ഡ് സര്വകലാശാലയില് നിന്ന് എംബിഎയും കരസ്ഥമാക്കി.
ലേബര് പാര്ട്ടിയില് ചേര്ന്ന കനിഷ്ക നാരായണ് 2022ല് വെയില്സിലെ വെയില് ഓഫ് ഗ്ലാമോര്ഗനിലേക്കുള്ള ലേബര് പാര്ട്ടിയുടെ സ്ഥാനാര്ത്ഥിയായി തെരഞ്ഞെടുക്കപ്പെട്ടതോടെയാണ് പാര്ലമെന്ററി ജീവിതം ആരംഭിച്ചത്. നേരിയ വോട്ടുകള്ക്ക് പരാജയപ്പെട്ടെങ്കിലും പാര്ട്ടിയില് സജീവമായി തുടര്ന്നു. ലേബര് പാര്ട്ടി അധികാരത്തില് തിരിച്ചെത്തിയ ശേഷം പ്രധാനമന്ത്രി കിയര്സ്റ്റാര്മര്, കനിഷ്കിനെ ശാസ്ത്ര, ഇന്നൊവേഷന്, ടെക്നോളജി വകുപ്പില് പാര്ലമെന്ററി അണ്ടര് സെക്രട്ടറി ഓഫ് സ്റ്റേറ്റ് ആയി നിയമിച്ചിരുന്നു. പിന്നീട് കനിഷ്ക നാരായണിനെ എഐ മന്ത്രിയാക്കി. യുകെയില് ഈ പദവി വഹിക്കുന്ന ആദ്യമന്ത്രിയാണ് കനിഷ്ക നാരായണ്.
