ന്യൂദല്ഹി: പശ്ചിമ ബംഗാളില് നടപ്പാക്കിയ വോട്ടര് പട്ടിക പരിഷ്കരണത്തിന്റെ പരിണതഫലങ്ങളുമായി ബന്ധപ്പെട്ട ഹര്ജിയില് വാദം കേള്ക്കുന്നത് സുപ്രീം കോടതി മറ്റ് എസ്.ഐ.ആര് ഹര്ജികള്ക്കൊപ്പം ആഗസ്റ്റിലേക്ക് മാറ്റി.
വോട്ടര് പട്ടികയില് നിന്ന് ഒഴിവാക്കപ്പെട്ടവര് പൊതുവിതരണ സംവിധാനത്തിന്റെ ആനുകൂല്യങ്ങളില് നിന്നടക്കം പുറത്താക്കപ്പെട്ടുവെന്ന് മുതിര്ന്ന അഭിഭാഷകന് ഗോപാല് ശങ്കരനാരായണന് ആരോപിച്ചപ്പോള്,
നിയമത്തില് ആശയക്കുഴപ്പമില്ലെന്നും, വോട്ടര് പട്ടികയുടെ കാര്യത്തില് ഇലക്ഷന് കമ്മിഷന് നിയന്ത്രണവും മേല്നോട്ടവുമുണ്ടെന്നും കോടതി വ്യക്തമാക്കി. അതേസമയം പൗരത്വം നിര്ണ്ണയിക്കുന്നതില് കമ്മിഷന് ഭരണഘടനാപരമായ അധികാരിയല്ല. ആനിലയ്ക്ക് ബുദ്ധിമുട്ടനുഭവിക്കുന്നവര്ക്ക് ഹൈക്കോടതിയെ സമീപിക്കാമെന്നും സുപ്രീം കോടതി പറഞ്ഞു.
