ന്യൂദല്ഹി: സുപ്രീം കോടതി നടപടികള് തടസ്സപ്പെടുത്തുകയും ചീഫ് ജസ്റ്റിസിനെ അധിക്ഷേപിക്കുകയും ചെയ്ത കേസില് അറസ്റ്റിലായ നിയമ വിദ്യാര്ത്ഥികളെ പട്യാല ഹൗസ് കോടതി റിമാന്ഡു ചെയ്തു. ലഖ്നൗ സര്വകലാശാലയിലെ മൂന്നാം വര്ഷ നിയമ വിദ്യാര്ത്ഥിയായ പ്രബല് പ്രതാപ് സിംഗ്, രണ്ടാം വര്ഷ വിദ്യാര്ത്ഥിയായ ചന്ദര് ഭാന് എന്നിവരെയാണ് പോലീസ് കസ്റ്റഡി കാലാവധി അവസാനിച്ചതിനെ തുടര്ന്ന് കോടതിയില് ഹാജരാക്കി റിമാന്ഡു ചെയ്തത്.
ഒരു ഹര്ജിക്കാരനായി നേരിട്ട് കോടതിയില് ഹാജരായ പ്രബല് പ്രതാപ് സിംഗ്, മോശം ഭാഷ ഉപയോഗിച്ച് കോടതി നടപടികള് തടസ്സപ്പെടുത്തുകയും കേസ് ഫയലുകള് വലിച്ചെറിയുകയും ചീഫ് ജസ്റ്റിസിനെ അധിക്ഷേപിക്കുകയും ചെയ്യുകയായിരുന്നു. എന്നാല് ഇയാള്ക്കെതിരെ നടപടി സ്വീകരിക്കേണ്ടതില്ലെന്നായിരുന്നു കോടതി തീരുമാനിച്ചത്. എന്നാല് സുപ്രീം കോടതിയിലെ സുരക്ഷാ ജീവനക്കാരന് നല്കിയ മൊഴിയുടെ അടിസ്ഥാനത്തില് തിലക് മാര്ഗ് പോലീസ് കേസ് രജിസ്റ്റര് ചെയ്യുകയായിരുന്നു.
