മുംബയ് : ബോളിവുഡ് നടി പ്രീതി സിന്റയുമായി ബന്ധപ്പെട്ട ആക്ഷേപകരമായ ഉള്ളടക്കങ്ങള്‍ ഉടന്‍ നീക്കം ചെയ്യാന്‍ എല്ലാ പ്രധാന സോഷ്യല്‍ മീഡിയ പ്ലാറ്റ്ഫോമുകളോടും ബോംബെ ഹൈക്കോടതി നിര്‍ദ്ദേശിച്ചു. ബന്ധപ്പെട്ട കക്ഷികള്‍ അവ വീണ്ടും അപ്ലോഡ് ചെയ്യുന്നത് തടയുന്ന ഇന്‍ജക്ഷന്‍ പുറപ്പെടുവിക്കുകയും ചെയ്തു. തന്റെ വ്യക്തിത്വ സംരക്ഷണത്തിനായി ഇവ നീക്കണമെന്ന പ്രീതിയുടെ ഹര്‍ജിയിലാണ് നടപടി.
‘വ്യക്തിപരമായ സ്വകാര്യതയ്‌ക്കുള്ള അവകാശം ഭരണഘടന ഉറപ്പുനല്‍കുന്നു. മറ്റുള്ളവര്‍ മറ്റൊരാളുടെ വ്യക്തിത്വത്തെ ചൂഷണം ചെയ്യുന്നത് അനുചിതമാണ്’ എന്ന് ജസ്റ്റിസ് മാധവ് ജംദാര്‍ വ്യക്തമാക്കി.
ഇക്കാര്യത്തില്‍ പൂര്‍ണ്ണമായി സഹകരിക്കാന്‍ തയ്യാറാണെന്ന് ഗൂഗിള്‍, എക്‌സ്, മെറ്റ തുടങ്ങിയ സോഷ്യല്‍ മീഡിയ പ്ലാറ്റ്ഫോമുകള്‍ ഹൈക്കോടതിയെ അറിയിച്ചു. എന്നിരുന്നാലും, ആക്ഷേപകരമായ ഉള്ളടക്കം അപ്ലോഡ് ചെയ്തവര്‍ തന്നെയാണ് അതിന് ഉത്തരവാദികളെന്നും ഇതുമായി ബന്ധപ്പെട്ട നിയമനടപടികള്‍ക്ക് തങ്ങള്‍ ബാധ്യസ്ഥരല്ലെന്നും അവര്‍ വാദിച്ചു.
നടി പ്രീതി സിന്റയുമായി ബന്ധപ്പെട്ട ആക്ഷേപകരമായ ഉള്ളടക്കങ്ങള്‍ നീക്കം ചെയ്യാന്‍ നിര്‍ദേശിച്ച് ബോംബെ ഹൈക്കോടതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.