തിരുവനന്തപുരം: തിരുവനന്തപുരത്ത് ഇ ഡി ഉദ്യോഗസ്ഥരെ ആക്രമിച്ച കേസില് മൂന്ന് സിപിഐഎം- ഡിവൈഎഫ്ഐ പ്രവര്ത്തകരുടെ ജാമ്യാപേക്ഷ കോടതി തള്ളി. കിരണ്, ഷഫീഖ്, വൈശാഖ് എന്നിവരുടെ അപേക്ഷകളാണ് തള്ളിയത്.
തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്റ്റ്രേറ്റ് കോടതിയുടേതാണ് നടപടി. ആറാം പ്രതിയാണ് കിരണെങ്കില് എട്ടാം പ്രതിയാണ് ഷഫീഖ്. വൈശാഖാകട്ടെ 17ാം പ്രതിയാണ്. നേരത്തെ 6 പേരുടെ ജാമ്യാപേക്ഷയും കോടതി തള്ളിയിരുന്നു. നിയമപ്രകാരമുള്ള വാറന്റിയുമായി എത്തിയ ഇഡി ഉദ്യോഗസ്ഥരെ ആക്രമിച്ചത് നിയമവ്യവസ്ഥയോടുള്ള വെല്ലുവിളിയാണെന്ന് അഡീഷണല് പബ്ലിക് പ്രോസിക്യൂട്ടര് മനു കല്ലമ്പിള്ളി വാദിച്ചു.
അപൂര്വ കേസ് എന്നാണ് മുന്പ് ജാമ്യാപേക്ഷ തള്ളികൊണ്ട് കോടതി നിരീക്ഷിച്ചത്. പൊതുമുതല് നശിപ്പിച്ചില്ലെന്ന വാദം നിലനില്ക്കില്ല. ആക്രമണം പ്രകോപനം ഇല്ലാ തെയാണെന്നും കോടതി നിരീക്ഷിച്ചിരുന്നു. അക്രമം നടക്കുമ്പോള് ഇഡി ഉദ്യോഗസ്ഥര് ഡ്യുട്ടിയിലായിരുന്നു. അക്രമണ ദൃശ്യങ്ങള് കൈവശമുണ്ട്. കേന്ദ്ര ഏജന്സികളടക്കം ഈ കേസിന് അന്വേഷണം നടത്തുന്നുണ്ട് എന്നും ജാമ്യാപേക്ഷയെ എതിര്ത്തുകൊണ്ട് പ്രോസിക്യൂഷന് വാദിച്ചു.
