ആലപ്പുഴ: ബന്ധുക്കളില് നിന്ന് ലൈംഗിക പീഡനത്തിന് ഇരയായെന്ന പത്താം ക്ലാസുകാരിയുടെ മൊഴിയെത്തുടര്ന്ന് രണ്ടുപേര് അറസ്റ്റിലായി. നാലുപേര്ക്കെതിരെയാണ് പോക്സോ കേസെടുത്തിട്ടുള്ളത്. മറ്റു രണ്ട് പേര്ക്കായി തെരച്ചില് നടത്തുകയാണെന്ന് പൊലീസ് അറിയിച്ചു.
കഴിഞ്ഞ ദിവസം വീയപുരം സ്വദേശിയായ പെണ്കുട്ടിയെ കാണാനില്ലെന്ന് കാട്ടി ബന്ധുക്കള് പൊലീസില് പരാതി നല്കിയിരുന്നു. തുടര്ന്ന് പൊലീസ് നടത്തിയ അന്വേഷണത്തില് പെണ്കുട്ടിയെയും സുഹൃത്തിനെയും ആലപ്പുഴയിലെ ഒരു ടൂറിസ്റ്റ് കേന്ദ്രത്തില് കണ്ടെത്തി.
പൊലീസ് ചോദ്യം ചെയ്യുന്നതിനിടെയാണ് അടുത്ത ബന്ധുക്കളില് നിന്ന് പീഡനത്തിന് ഇരയായതായി പെണ്കുട്ടി പറയുന്നത്. തുടര്ന്നായിരുന്നു അറസ്റ്റ്. അറസ്റ്റിലായവരെ റിമാന്ഡ് ചെയ്തതായി പൊലീസ് അറിയിച്ചു.
അടുത്ത ബന്ധുക്കളില് നിന്ന് പീഡനത്തിന് ഇരയായെന്ന് കാണാതായ പത്താം ക്ലാസുകാരി, രണ്ടുപേര് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.