വാഷിംഗ്ട്ടണ്: ഇന്ന് രാത്രി ഇറാന് മേല് കടുത്ത ആക്രമണം നടത്തുമെന്ന് യുഎസ് പ്രസിഡന്റ് ഡൊണാള്ഡ് ട്രംപ് . ഇറാന്റെ നാവികസേന, വ്യോമസേന , റഡാര് സംവിധാനങ്ങള് തകര്ക്കും. ഇറാന്റെ തീരത്തെ പ്രധാന എണ്ണ ടെര്മിനല് സ്ഥിതി ചെയ്യുന്ന ദ്വീപായ ഖാര്ഗ് പിടിച്ചെടുക്കുമെന്നും എണ്ണയുടെ നിയന്ത്രണം ഏറ്റെടുക്കുമെന്നും ട്രംപ് ആവര്ത്തിച്ചു.
തുടര്ച്ചയായ രണ്ടാം ദിവസമാണ് ഇറാന്റെ വിവിധ ഇടങ്ങളില് അമേരിക്ക ആക്രമണം നടത്തിയത്. സൈനിക ഹെലികോപ്റ്റര് തകര്ക്കപ്പെട്ടതിന് പ്രത്യാക്രമണമെന്ന നിലയ്ക്ക് ഇറാന്റെ സൗത്ത് പാര്സ് ഗ്യാസ് ഫീല്ഡിലെ പെട്രോകെമിക്കല് പ്ലാന്റിന് നേരെ അമേരിക്ക ആക്രമണം നടത്തി. ആവശ്യമെങ്കില് ബോംബുകള് ഉപയോഗിച്ചാവും ഇനി ചര്ച്ച നടത്തുകയെന്നും പ്രതിരോധ സെക്രട്ടറി പീറ്റ് ഹെഗ്സെത്ത് ഭീഷണി മുഴക്കി.
ടെഹ്റാന് ഉടന് ഒരു സമാധാന കരാറിന് സമ്മതിക്കണമെന്ന് അമേരിക്ക ആവര്ത്തിച്ച് ആവശ്യപ്പെട്ടു.
അതേസമയം ഹോര്മുസ് കടലിടുക്കിലൂടെ കടന്നുപോകാന് ശ്രമിക്കുന്ന ഏതൊരു കപ്പലിനു നേരെയും വെടിയുതിര്ക്കുമെന്ന് ഇറാന്റെ ഉന്നത സംയുക്ത സൈനിക കമാന്ഡ് മുന്നറിയിപ്പ് നല്കിയിട്ടുണ്ട്.
