കൊച്ചി: വൃത്തിഹീനമായ സാഹചര്യത്തില് ഭക്ഷണം പാകം ചെയ്ത് വന്ന കാക്കനാട് ചെമ്പുമുക്കിലെ മാസ്റ്റര് കിച്ചന് തൃക്കാക്കര നഗരസഭ ആരോഗ്യവിഭാഗം പൂട്ടിച്ചു. ഇന്ഫോപാര്ക്കിലും നഗരത്തിലെ വിവിധ പരിപാടികള്ക്കും ഭക്ഷണം വിതരണം ചെയ്തിരുന്ന മാസ്റ്റര് കിച്ചന് ആണിത്.
പുളിക്കില്ലം വെസ്റ്റ് റോഡില് പ്രവര്ത്തിക്കുന്ന ഫോര് ക്ലെയ്സ് ഹോസ്പിറ്റാലിറ്റി എന്ന സ്ഥാപനത്തിന്റെ അടുക്കളയില് ഗുരുതര നിയമലംഘനങ്ങളാണ് കണ്ടെത്തിയത്. ദുര്ഗന്ധത്തെ തുടര്ന്ന് നാട്ടുകാര് നല്കിയ പരാതി പ്രകാരം വാര്ഡ് കൗണ്സിലര് ടീനു സൈമണിന്റെ നേതൃത്വത്തില് നടത്തിയ പരിശോധനയിലാണ് വിവരങ്ങള് പുറത്തുവന്നത്.
അടുക്കളയ്ക്ക് മുന്നിലും പിന്നിലും മാലിന്യക്കൂമ്പാരങ്ങളായിരുന്നു.കഴുകാതെ ഉളള പാത്രങ്ങള്, അഴുക്കുവെള്ളം കെട്ടിക്കിടക്കുന്ന നില, ടാങ്ക് നിറഞ്ഞ് മലിനജലം പരിസരത്തേക്ക് ഒഴുകുന്ന സ്ഥിതി.
രണ്ടു വര്ഷത്തിലേറെയായി പ്രവര്ത്തിക്കുന്ന സ്ഥാപനത്തിനെതിരെ സമീപവാസികളും സമീപത്തെ ഐ ടി സ്ഥാപനങ്ങളും പരാതി നല്കിയിരുന്നെങ്കിലും നടപടി ഉണ്ടായിരുന്നില്ല.
