തിരുവനന്തപുരം: വയനാടിന് പുറമെ തിരുവനന്തപുരത്തും കൊല്ലത്തും ഷിഗെല്ല സ്ഥിരീകരിച്ചു. തിരുവനന്തപുരത്ത് മൂന്ന് കുട്ടികള്ക്കാണ് രോഗ ബാധ.തോന്നയ്ക്കല്, പുത്തന്തോപ്പ് , ചാക്ക എന്നിവിടങ്ങളിലെ വിദ്യാര്ത്ഥികള്ക്കാണ് രോഗം പിടിപെട്ടത്. ഇവരുടെ ആരോഗ്യനില തൃപ്തികരമാണെന്ന് അധികൃതര് അറിയിച്ചു.
കൊല്ലം ജില്ലയില് രണ്ട് വിദ്യാര്ത്ഥികള്ക്കാണ് രോഗം സ്ഥിരീകരിച്ചത്.ഇവര് പാരിപ്പള്ളി മെഡിക്കല് കോളേജ് ആശുപത്രിയില് ചികിത്സയിലാണ്. വയനാട് ജില്ലയിലാണ് നേരത്തെ ഷിഗെല്ല സ്ഥിരീകരിച്ചത്.
കോളിയാടി മാര് ബസേലിയോസ് സ്കൂളിലെ മൂന്ന് കുട്ടികള്ക്കാണ് രോഗം.രോഗലക്ഷണങ്ങളുമായി ചികിത്സയില് കഴിയുന്ന കുട്ടികളുടെ എണ്ണം 38 ആണ്.
നേരത്തേ കോഴിക്കോട് ഷിഗെല്ല ബാധിച്ച് നാലര വയസുകാരി മരിച്ചിരുന്നു.
മലിന ജലത്തിലൂടെ ബാക്ടീരിയ ശരീരത്തില് കടക്കുന്നതാണ് ഷിഗെല്ലയ്ക്ക് കാരണം. കഠിനമായ പനി കൂടി വരുന്നത് കാരണം രോഗം മൂര്ച്ഛിക്കുന്നു. വയറിളക്കത്തിന് പുറമെ വയറുവേദനയും ഛര്ദിയുമുണ്ടാവും. ചൂടാക്കിയ വെള്ളം മാത്രം കുടിക്കുക എന്നതാണ് രോഗത്തെ തടയാനുള്ള പ്രധാന മുന്കരുതല്. വീടും പരിസരവും വ്യത്തിയായി സൂക്ഷിക്കുക. കൈകള് വൃത്തിയായി സൂക്ഷിക്കുക. ഭക്ഷണം എപ്പോഴും അടച്ച് വയ്ക്കാനും ശ്രദ്ധിക്കുക.
