കൊച്ചി:നടിയെ ആക്രമിച്ച കേസില്‍ വിചാരണക്കോടതിയില്‍ നിന്ന് മെമ്മറി കാര്‍ഡ് ചോര്‍ന്നതില്‍ .പുനരന്വേഷണം ആവശ്യപ്പെട്ട് അതിജീവിത ഹൈക്കോടതിയില്‍ ഹര്‍ജി നല്‍കി. അന്വേഷണ റിപ്പോര്‍ട്ട് റദ്ദാക്കി ഹൈക്കോടതി മേല്‍നോട്ടത്തില്‍ പുതിയ അന്വേഷണം വേണമെന്നാണ് ആവശ്യം.
കേസ് അട്ടിമറിക്കപ്പെട്ടെന്നാണ് അതിജീവിതയുടെ ആരോപണം.സുപ്രീംകോടതിയിലെ മുതിര്‍ന്ന അഭിഭാഷക വൃന്ദ ഗ്രോവര്‍ മുഖേനയാണ് അതിജീവിത ഹൈക്കോടതിയില്‍ പുതിയ ഹര്‍ജി നല്‍കിയത്.
കേസ് അട്ടിമറിക്കാന്‍ ശ്രമം നടന്നു. മെമ്മറി കാര്‍ഡ് ചോര്‍ന്നതുമായി ബന്ധപ്പെട്ട് നേരത്തെ നടന്ന അന്വേഷണ റിപ്പോര്‍ട്ടിലെ കണ്ടെത്തലുകള്‍ തൃപ്തികരമല്ലെന്നാണ് അതിജീവിത പറയുന്നത്.സത്യസന്ധമായ അന്വേഷണം വേണം.മെമ്മറി കാര്‍ഡ് പെന്‍ഡ്രൈവിലേക്ക് പകര്‍ത്തിയിരുന്നു. ഇതടക്കം ലാബില്‍ അയച്ച് വിശദ പരിശോധനകള്‍ നടത്തണമെന്നും കുറ്റക്കാരെ കണ്ടെത്തണമെന്നുമാണ് ഹര്‍ജിയില്‍ അതിജീവിതയുടെ ആവശ്യം. 2017 ഫെബ്രുവരി പതിനേഴിനാണ് നടി ആക്രമിക്കപ്പെടുന്നത്.
