ദുബായ്: അന്താരാഷ്ട്ര വിമാനത്താവളം ഭാഗികമായി തുറന്നതായി കുവൈറ്റ് സിവില് ഏവിയേഷന് അധികൃതര് അറിയിച്ചു. ഇറാന്റെ ആക്രമണത്തില് തകര്ന്ന ടെര്മിനലില് നിന്ന് മാറി മറ്റൊരു ടെര്മിനലില് നിന്നാണ് കുവൈറ്റ് എയര്വേസിന്റെ വിമാന സര്വീസ് പുനരാരംഭിച്ചത്. മറ്റ് വിമാനങ്ങളൊന്നും സര്വീസ് നടത്തില്ലെന്ന് അധികൃതര് പറഞ്ഞു.
ഇറാനിയന് ഡ്രോണുകള് രാജ്യത്തെ വിമാനത്താവളത്തിന് സാരമായ കേടുപാടുകള് വരുത്തുകയും ഒരാള് കൊല്ലപ്പെടുകയും ചെയ്തതിനെത്തുടര്ന്നാണ് കുവൈറ്റ് വാണിജ്യ വിമാന സര്വീസുകള് നിര്ത്തിവച്ചത്.
അമേരിക്കയും ഇസ്രായേലുമായുള്ള യുദ്ധത്തില് വെടിനിര്ത്തല് നീട്ടുന്നത് സംബന്ധിച്ച് മധ്യസ്ഥരുമായുള്ള ആശയവിനിമയം രാജ്യം നിര്ത്തിവച്ചതായി ഇറാനിയന് അര്ദ്ധ ഔദ്യോഗിക വാര്ത്താ ഏജന്സികള് അറിയിച്ചതിന് പിന്നാലെയാണ് ആക്രമണം ഉണ്ടായത്.
