തിരുവനന്തപുരം: ഗുരുവായൂര് ക്ഷേത്രത്തില് താന് വിഐപി ദര്ശനം നടത്തിയിട്ടില്ലെന്ന് മുഖ്യമന്ത്രി വി.ഡി. സതീശന്. തനിക്കൊപ്പം ആകെ നാല് പേര് മാത്രമാണ് ദര്ശനത്തിന് കൂടെയുണ്ടായിരുന്നത്.എല്ലാവരും 1000 രൂപയുടെ ടിക്കറ്റെടുത്താണ് ദര്ശനം നടത്തിയത്.
വാര്ത്താസമ്മേളനത്തിലാണ് മുഖ്യമന്ത്രി ദര്ശനത്തെ കുറിച്ച് വിശദീകരിച്ചത്. അതേസമയം മുഖ്യമന്ത്രിയുടെ ഗുരുവായൂര് ക്ഷേത്രദര്ശനത്തിലെ വിവാദത്തില് പ്രതികരണവുമായി ഗുരുവായൂര് ദേവസ്വം അഡ്മിനിസ്ട്രേറ്ററും രംഗത്തെത്തി. മുഖ്യമന്ത്രി ദര്ശനം നടത്തിയത് നിയമാനുസൃതമാണെന്നാണ് അവകാശവാദം.ഭക്തരെ തടയുന്ന നടപടി ഉണ്ടായില്ല. ഒരാളുടെയും ദര്ശനം മുടക്കിയില്ല.
മന്ത്രി എം. ലിജു, ബിന്ദു കൃഷ്ണ എന്നിവര് ദര്ശനം നടത്തിയത് പുലര്ച്ചെയാണെന്നും നിയമപ്രകാരമായിരുന്നുവെന്നും അഡ്മിനിസ്ട്രേറ്റര് പറഞ്ഞു.എന്നാല് വിലക്കുളള സ്ഥലത്ത് ഹൈബി ഈഡന് എം പി വീഡിയോ ചിത്രീകരിച്ച സംഭവത്തില് നല്കിയ പരാതിയില് അഡ്മിനിസ്ട്രേറ്റര് വിശദീകരണം നല്കിയിട്ടില്ല.
മന്ത്രി എ പി അനില്കുമാറിന്റെ മകന്റെ വിവാഹത്തില് പങ്കെടുക്കാനാണ് മുഖ്യമന്ത്രിയും മന്ത്രിമാരും ഞായറാഴ്ച ഗുരുവായൂരിലെത്തിയത്.
