ന്യൂദല്ഹി: ദല്ഹി ചെങ്കോട്ടയ്ക്ക് സമീപമുണ്ടായ ബോംബ് സ്ഫോടനത്തില് എന്ഐഎ കുറ്റപത്രം സമര്പ്പിച്ചു. പത്ത് പ്രതികളെ ഉള്പ്പെടുത്തി 7500 പേജുകളുള്ള വിശദമായ കുറ്റപത്രം ദല്ഹി പട്യാല ഹൗസ് കോടതിയിലാണ് സമര്പ്പിച്ചത്. 2025 നവംബര് 10നാണ് സ്ഫോടനം നടന്നത്. വാഹനത്തില് നിന്നുള്ള ഇംപ്രൊവൈസ്ഡ് എക്സ്പ്ലോസീവ് ഉപകരണം ഉപയോഗിച്ചാണ് ഭീകരര് ആക്രമണം നടത്തിയത്. സ്ഫോടനം വളരെ ശക്തമായിരുന്നതിനാല് പ്രദേശത്ത് വന് നാശനഷ്ടങ്ങള് സംഭവിച്ചതായും കുറ്റപത്രത്തില് പറയുന്നുണ്ട്.
അന്വേഷണത്തില് പ്രതികള്ക്കെല്ലാം അല്-ഖ്വയ്ദയുടെ ഭാഗമായ അന്സാര് ഗസ്വത്- ഉല്- ഹിന്ദ് (എജിയുഎച്ച്) എന്ന ഭീകര സംഘടനയുമായി ബന്ധമുണ്ടെന്ന കണ്ടെത്തി. പ്രതികള് ഓപ്പറേഷന് ഹെവന്ലി ഹിന്ദ് എന്ന പേരില് ഗൂഢാലോചന നടത്തിയതായി റിപ്പോര്ട്ടില് പറയുന്നുണ്ട്. കേന്ദ്ര സര്ക്കാരിനെ അട്ടിമറിക്കാനും രാജ്യത്ത് ശരിയത്ത് നിയമം നടപ്പിലാക്കാനുമാണ് ഈ ഓപ്പറേഷന് ലക്ഷ്യമിട്ടത്.
