ദുബായ് : ഹരിഹരന് സംവിധാനം ചെയ്ത സര്ഗ്ഗം എന്ന മലയാള സിനിമ സംഗീതം കൊണ്ടും കഥ കൊണ്ടും മലയാളിയുടെ മനസ്സ് കവര്ന്ന സിനിമയാണ്. അതില് രണ്ട് പ്രധാന കഥാപാത്രങ്ങളെ അവതരിപ്പിച്ചത് മനോജ് കെ ജയനും രംഭയുമാണ്.
ആ സിനിമയിലെ കുട്ടന് തമ്പുരാനെ ആരും മറക്കില്ല. തന്മയത്വത്തോടെ അവതരിപ്പിച്ച ഈ കഥാപാത്രമാണ് മനോജ് കെ ജയന് മലയാള സിനിമയില് ഒരു സ്ഥാനം നേടിക്കൊടുത്തത്. അതില് കുട്ടന് തമ്പുരാന്റെ ക്രൂരമര്ദ്ദനത്തിന് ഇരയാവുന്ന പാവം പെണ്കുട്ടിയായ തങ്കമണിയെ അവതരിപ്പിച്ചത് നടി രംഭയാണ്. ഇപ്പോഴിതാ വര്ഷങ്ങള്ക്കു ശേഷം ഇവര് തമ്മില് കണ്ടുമുട്ടിയ ചിത്രങ്ങളാണ് സോഷ്യല് മീഡിയയില് വൈറലാകുന്നത്.
ഈ രണ്ട് കഥാപാത്രങ്ങളെ അവതരിപ്പിച്ച മനോജ് കെ ജയനും രംഭയും 33 വര്ഷങ്ങള്ക്കു ശേഷമാണ് വീണ്ടും കണ്ടു മുട്ടിയത്. ദുബായ് രാജ്യാന്തര എയര്പോര്ട്ടിലെ ബിസിനസ് ലോഞ്ചില് വച്ച് അപ്രതീക്ഷിതമായാണ് ഇരുവരും കണ്ടുമുട്ടിയത്. ‘സര്ഗ’ത്തിലെ തന്നെ ഹിറ്റ് സംഭാഷണം കുറിച്ചു കൊണ്ടാണ് മനോജ് കെ ജയന് ചിത്രങ്ങല് സമൂഹമാധ്യമപേജില് പങ്കുവെച്ചത്.
