കൊച്ചി: കെഎസ്ആര്ടിസിയിലെ ഉന്നതല ഉദ്യോഗസ്ഥരുടെ അനാസ്ഥയില്ല്മുങ്ങി റാപ്പിഡ് റിപ്പെയര് വാന്. ഷോറൂമില്ല്സര്വീസിന് നല്കിയ വാഹനം തിരികെ വാങ്ങാതെ അധികൃതര് പ്രവര്ത്തനങ്ങള്ക്ക് തുരങ്കം വയ്ക്കുന്നതായി ആക്ഷേപം. എറണാകുളം ഡിപ്പോയുടെ കീഴിലുള്ള ആര്ആര്ടി-05 എന്ന വാനാണ് സര്വീസ് കഴിഞ്ഞിട്ടും ഷോറൂമില് തുടരുന്നത്.
കൊച്ചി ഇടപ്പള്ളിയിലുള്ള അശോക് ലെയ്ലാന്ഡില് മാര്ച്ച് 27നാണ് വാഹനം സര്വീസിന് നല്കിയത്. 10,000 കിലോമീറ്റര് ഇടവേള സര്വീസിനായിരുന്നു വാന് എത്തിച്ചത്. പിറ്റേ ദിവസം 28ന് സര്വീസ് പൂര്ത്തിയായെന്നും ബില് തുകയായി 8500 രൂപ അടയ്ക്കണമെന്നും ജീവനക്കാര് വിളിച്ചറിയിച്ചു. എന്നാല് ഒന്നരമാസമായിട്ടും വാഹനം തിരികെ വാങ്ങുന്നതിന് ഉദ്യോഗസ്ഥര് യാതൊരു നടപടിയും സ്വീകരിച്ചിട്ടില്ല.
വാനില്ലാത്തതുമൂലം കെഎസ്ആര്ടിസി ബസുകള് ബ്രേക്ക് ഡൗണ് ആകുന്ന സമയങ്ങളില് അത് പരിഹരിക്കാന് കൃത്യസമയത്ത് എത്താന് കഴിയുന്നില്ലെന്ന പരാതി വ്യാപകമായി ഉയരുന്നുണ്ട്. മറ്റു വാഹനങ്ങളെ ആശ്രയിക്കേണ്ടി വരുമ്പോള് ചെലവ് വര്ധിക്കുന്നതായും ആരോപണമുണ്ട്. കൊച്ചി പോലുള്ള തിരക്കുള്ള മെട്രോസിറ്റിയില് ബസ് ബ്രേക്ക്ഡൗണ് ആയി റോഡില്ല്വളരെ നേരം കിടക്കുന്നത് ഗതാഗതക്കുരുക്ക് വര്ധിക്കാനും കാരണമാകുന്നു. ഈ സാഹചര്യത്തില് അടിയന്തരമായി റാപ്പിഡ് റിപ്പയര് വാന് തിരികെയെത്തിക്കണമെന്ന ആവശ്യമാണ് ഉയരുന്നത്.
