തിരുവനന്തപുരം: ഗ്ലോബല്‍ ട്രാവല്‍ മാര്‍ക്കറ്റിന്റെ രണ്ടാം പതിപ്പ് ജൂണ്‍ 3 മുതല്‍ 5 വരെ തിരുവനന്തപുരത്ത് നടക്കും. വിവിധ സംസ്ഥാനങ്ങളില്‍ നിന്നും വിദേശ രാജ്യങ്ങളില്‍ നിന്നുമായി ആയിരത്തിലധികം ടൂര്‍ ഓപ്പറേറര്‍മാര്‍ ദക്ഷിണേന്ത്യയിലെ പ്രശസ്ത ട്രാവല്‍ എക്‌സ്‌പോയായ ജിടിഎമ്മില്‍ പങ്കെടുക്കും.
ഗോള്‍ഡന്‍ പാലസ് ഇന്റര്‍നാഷണല്‍ കണ്‍വെന്‍ഷന്‍ സെന്ററില്‍ (അമരവിള-കാരക്കോണം റോഡ്) നടക്കുന്ന പരിപാടി സൗത്ത് കേരള ഹോട്ടലിയേഴ്‌സ് ഫോറം, ട്രിവാന്‍ഡ്രം ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി, തവസ്സ് വെഞ്ച്വേഴ്‌സ്, മെട്രോ മാര്‍ട്ട് എന്നിവയുടെ സംയുക്ത ആഭിമുഖ്യത്തില്‍ കേരള ടൂറിസത്തിന്റെയും ഇന്ത്യ ടൂറിസത്തിന്റെയും സഹകരണത്തോടെയാണ് സംഘടിപ്പിക്കുന്നത്.
1000ത്തിലധികം വിദേശ അഭ്യന്തര ബയേഴ്‌സും 300ത്തിലധികം കോര്‍പറേറ്റ് ബയേഴ്‌സും 200ലധികം സ്റ്റാളുകളും ജിടിഎമ്മില്‍ ഉണ്ടായിരിക്കും. എക്‌സിബിഷന്‍, ബയേഴ്‌സ് സെല്ലേഴ്‌സ് മീറ്റ്, അവാര്‍ഡ് വിതരണം, സെമിനാര്‍ എന്നിവ മൂന്ന് ദിവസത്തെ പരിപാടിയില്‍ നടക്കും. വിവിധ സെമിനാര്‍ സെഷനുകളും കോര്‍പറേറ്റ് ബിസിനസ് നെറ്റ്‌വര്‍ക്കിങ് സെഷനും നടക്കും. ജൂണ്‍ 4, 5 ദിവസങ്ങളിലാണ് ബി ടു ബി സെഷനുകള്‍ നടക്കുക. ഹോട്ടലുകള്‍, റിസോര്‍ട്ടുകള്‍, ടൂറിസം സംഘടനകള്‍, എയര്‍ലൈനുകള്‍, ട്രാവല്‍ ഏജന്റുമാര്‍, ടൂര്‍ ഓപ്പറേറ്റര്‍മാര്‍, ട്രാവല്‍ടെക് ഇന്നൊവേറ്റര്‍മാര്‍ തുടങ്ങിയവരുടെ സ്റ്റാളുകളും ട്രാവല്‍ ടൂറിസം മേഖലയിലെ ആഭ്യന്തര, അന്തര്‍ദേശീയ ഉത്പന്നങ്ങളുടെയും സേവനങ്ങളുടെയും പ്രദര്‍ശനവും എക്‌സ്‌പോയില്‍ ഉണ്ടായിരിക്കും. ജൂണ്‍ 5ന് പൊതുജനങ്ങള്‍ക്ക് പ്രവേശനം അനുവദിക്കും.
വിവരങ്ങള്‍ക്ക്: www.gtmt.in, 9995139933, ഇമെയില്‍:[email protected]. ടൂറിസം സെക്രട്ടറി ബിജു കെ., ടൂറിസം ഡയറക്ടര്‍ അഞ്ജന എം, എസ്‌കെഎച്ച്എഫ് പ്രസിഡന്റ് എം.ആര്‍. നാരായണന്‍, വൈസ് പ്രസിഡന്റ് ശിശുപാലന്‍ സാഗര, ട്രിവാന്‍ഡ്രം ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി പ്രസിഡന്റ് എസ്.എന്‍. രഘുചന്ദ്രന്‍ നായര്‍, എസ്‌കെഎച്ച്എഫ് സെക്രട്ടറി പ്രസാദ് മഞ്ഞളി, ജിടിഎം സിഇഒ സിജി നായര്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.
