തിരുവനന്തപുരം: കാലത്തിന്റെ മറിമായം, അതല്ലെങ്കില് ഗുരുവായൂരപ്പന്റെ മറിമായം എന്നാണ് പലരും ഇതിനെ വിളിക്കുന്നത്. പണ്ടൊരിയ്ക്കല് ഗുരുവായൂരിലെ ശ്രീകോവിലിന് നേരെ നോക്കി ഇവിടെയാണോ ഗുരുവായൂരപ്പന് ഇരിക്കുന്നതെന്ന് ചോദിച്ചയാളാണ് പിണറായി. വിജയന്. അന്നത് വലിയ മാധ്യമവാര്ത്തയായിരുന്നു. ഒരു കമ്മ്യൂണിസ്റ്റിന്റെ സ്വതസിദ്ധമായ നാസ്തിക സ്പിരിറ്റായിരുന്നു പിണറായിയുടെ ഈ ചോദ്യത്തിന് പിന്നില് എന്ന് എല്ലാവര്ക്കും അറിയാം.
പക്ഷെ കാലചക്രം തിരിഞ്ഞുവന്നതോടെ ഗുരുവായൂരപ്പന്റെ പാദങ്ങളില് നമസ്കരിക്കാന് ഒരാളെത്തി. പിണറായിയുടെ മകന് വിവേക് കിരണ്. ഭാര്യയോടൊപ്പമാണ് വിവേക് കിരണ് ഗുരുവായൂരില് പ്രാര്ത്ഥിക്കാന് എത്തിയത്.
ഒരു മാധ്യമപ്രവര്ത്തകന് പൊലീസിന്റ അടിയേറ്റതോടെ വിവേക് കിരണിന്റെ സന്ദര്ശനം വലിയ വാര്ത്തയായി. വിവേക് കിരണ് ഗുരുവായൂര് സന്ദര്ശനത്തിന് തെരഞ്ഞെടുത്ത സമയം മാധ്യമപ്രവര്ത്തകരെയും രാഷ്ട്രീയ നിരീക്ഷകരെയും പല വിധ ഊഹോപോഹങ്ങള് നടത്താന് പ്രേരിപ്പിക്കുന്നു. അച്ഛന് തുടര്ഭരണം കിട്ടുന്നതിന് പ്രാര്ത്ഥിക്കാനാണ് മകന് ഗുരുവായൂരപ്പന്റെ ചരണങ്ങളില് വന്നെത്തിയിരിക്കുന്നതെന്നാണ് പലരുടെയും പരിഹാസം കലര്ന്ന നിരീക്ഷണം. എന്തായാലും കാലത്തിന്റെ വിധിവൈപരീത്യമെന്നോ ഗുരുവായൂരപ്പന്റെ മഹാശക്തിയെന്നോ എങ്ങിനെ വേണമെങ്കിലും വിവേക് കിരണിന്റെ ഗുരുവായൂര് സന്ദര്ശനത്തെ വിശേഷിപ്പിക്കാം.
