ഇസ്ലാമബാദ്: പാകിസ്ഥാനിലെ തെരുവുബാലന്മാരുടെ കയ്യില് ലക്ഷക്കണക്കിന് രൂപയുടെ ഇന്ത്യന് നോട്ടുകള്. നരേന്ദ്രമോദി നിരോധിച്ച ഇന്ത്യയുടെ പഴയ 500 രൂപ നോട്ടുകളുടെ കെട്ടുകളുമായി കളിക്കുന്ന ഇവരുടെ വീഡിയോ വൈറലാണ്.
ഇതോടെയാണ് മോദിയുടെ നോട്ട് നിരോധനത്തിന്റെ യഥാര്ത്ഥ ലക്ഷ്യം എന്തായിരുന്നുവെന്ന് വെളിപ്പെടുന്നത്. പാകിസ്ഥാനിലെ തീവ്രവാദിഗ്രൂപ്പുകളും മയക്കമരുന്ന് മാഫിയയും കള്ളപ്രസുകളില് അച്ചടിച്ച് ഇന്ത്യയിലേക്ക് കോടികളുടെ നോട്ടുകെട്ടുകള് തള്ളിവിടുന്നുണ്ടെന്ന് തിരിച്ചറിഞ്ഞപ്പോഴാണ് മോദി ഇന്ത്യയില് ആയിരം രൂപ, അഞ്ചൂറ് രൂപ നോട്ടുകള് പിന്വലിച്ചത്.
എങ്ങിനെയാണ് സുലഭമായി ഈ 500 രൂപാ നോട്ടുകള് പാകിസ്ഥാനിലെ തെരുവ് ബാലന്മാരുടെ കൈകളില് എത്തിയത്? നോട്ട് നിരോധനത്തിലൂടെ ഇന്ത്യയിലേക്ക് അയയ്ക്കാന് സാധിക്കാത്ത കള്ളനോട്ടുകളാണ് ഈ തെരുവ് ബാലന്മാരുടെ കൈകളില് എത്തിപ്പെട്ടത്. നിരോധിച്ചില്ലെങ്കില് എത്ര കോടികളുടെ കള്ളപ്പണം ഇന്ത്യയില് എത്തുമായിരുന്നു.
പി. ചിദംബരം ധനമന്ത്രിയായിരുന്നപ്പോള് പാകിസ്ഥാനിലെ പ്രസില് ഇന്ത്യന് നോട്ടുകള് അച്ചടിച്ചിരുന്നതായി ധുരന്ധര് എന്ന സിനിമയില് കാണിക്കുന്നുണ്ട്. അതുപോലെ ലണ്ടനിലെ പ്രസിലായിരുന്നു പാകിസ്ഥാന്റെയും ഇന്ത്യയുടെയും നോട്ടുകള് അച്ചടിച്ചിരുന്നത്. ഇക്കാലത്ത് പാകിസ്ഥാനിലെ കറാച്ചിയിലുള്ള മയക്കമരുന്ന്, തീവ്രവാദ സംഘങ്ങള് ഇന്ത്യയില് കള്ളനോട്ട്കൊണ്ട് കെട്ടിപ്പടുത്ത സാമ്രാജ്യങ്ങള് വലുതായിരുന്നു.
നരേന്ദ്രമോദി നോട്ട് നിരോധിച്ചിട്ടെന്തായി? 99 ശതമാനത്തിലധികം നിരോധിച്ച നോട്ടുകളും റിസര്വ് ബാങ്കിലേക്ക് എത്തിയില്ലേ എന്നാണ് കോണ്ഗ്രസുള്പ്പെടെയുള്ള എതിരാളികള് ചോദിച്ചുകൊണ്ടിരുന്നത്. പക്ഷെ പാകിസ്ഥാനില് നിന്നും ഒഴുകുന്ന കള്ളനോട്ടുകള്ക്ക് അന്ത്യമായിരിക്കുന്നു. മാത്രമല്ല, ഡിജിറ്റല് കറന്സി എന്ന സങ്കല്പം മോദി ഇന്ത്യയില് നടപ്പാക്കിയതോടെ കള്ളനോട്ടിന്റെ സാധ്യതകള് മങ്ങുകയും ചെയ്തു.
