കോഴിക്കോട്:താമരശേരി കോടതിക്ക് മുന്നില് കാമുകന്റെ സുഹൃത്തുക്കളും പെണ്കുട്ടിയുടെ ബന്ധുക്കളും തമ്മില് കൂട്ടത്തല്ല്.മുക്കം ചെറുവാടി സ്വദേശിനി നിദ ഷെറിനെ കഴിഞ്ഞ നാലാം തീയതി മുതല് കാണാനില്ലെന്ന് കുടുംബം പരാതി നല്കിയിരുന്നു.അതിനിടെ,ശനിയാഴ്ച രാവിലെ പെണ്കുട്ടി കാമുകനായ കാരശേരി സ്വദേശി ഷാമിലിനൊപ്പം മുക്കം പൊലീസ് സ്റ്റേഷനില് ഹാജരായി.
നടപടി ക്രമങ്ങള് പൂര്ത്തിയാക്കിയ ശേഷം പൊലീസ് ഇരുവരെയും കോടതിയില് ഹാജരാക്കി. പ്രായപൂര്ത്തിയായതിനാല് പെണ്കുട്ടിക്ക് സ്വന്തം ഇഷ്ടപ്രകാരം പോകാന് കോടതി അനുമതി നല്കി. കോടതിക്ക് പുറത്ത് എത്തിയപ്പോള് വിവാഹം നടത്തി തരാമെന്ന് പറഞ്ഞ് പെണ്കുട്ടിയെ ബന്ധുക്കള് കൂടെ കൊണ്ടുപോകാന് ശ്രമിക്കുന്നതിനിടെയാണ് കൂട്ടത്തല്ലുണ്ടായത്.
പെണ്കുട്ടിയെ കൊണ്ടുപോകാനുള്ള ശ്രമം കാമുകനും സുഹൃത്തുക്കളും തടഞ്ഞു. കൂട്ട അടിയില് ചിലര്ക്ക് കാര്യമായി പരിക്കേറ്റിട്ടുണ്ടെന്നാണ് അറിയുന്നത്. ഇവരെ സ്വകാര്യ ആശുപത്രിയില് പ്രവേശിപ്പിച്ചു.
