തിരുവനന്തപുരം:തെരഞ്ഞെടുപ്പ് പെരുമാറ്റച്ചട്ടം നിലനില്ക്കെ ഭരണസിരാകേന്ദ്രമായ സെക്രട്ടേറിയറ്റിലെ ഇ-ഓഫീസ് സംവിധാനത്തിന്റെ പ്രവര്ത്തനം നിര്ത്തിവയ്ക്കാനുള്ള ഐടി വകുപ്പിന്റെ തീരുമാനത്തില് ദുരൂഹതയെന്ന് ആക്ഷേപം.ഇക്കാര്യം ചൂണ്ടിക്കാട്ടി പ്രതിപക്ഷ നേതാവ് വി ഡി സതീശന് മുഖ്യതെരഞ്ഞെടുപ്പ് ഓഫീസര്ക്ക് കത്ത് നല്കി.
തെരഞ്ഞെടുപ്പ് പെരുമാറ്റച്ചട്ടം നിലനില്ക്കുന്ന സാഹചര്യത്തില് സുപ്രധാന ഫയലുകള് നീക്കം ചെയ്യാനുള്ള ശ്രമമാണോ ഐടി വകുപ്പിന്റെ ധൃതിപടിച്ചുള്ള നടപടിയെന്ന് സംശയിക്കണം. തെരഞ്ഞെടുപ്പ് കമ്മീഷന് അടിയന്തരമായി ഇടപെടണമെന്നും പ്രതിപക്ഷ നേതാവ് കത്തില് ആവശ്യപ്പെട്ടു.
ഇ-ഓഫീസ് വെര്ഷന് മാറ്റുന്നതിന്റെ ഭാഗമായാണ് ഇ- ഓഫീസ് പ്രവര്ത്തനം നിര്ത്തി വയ്ക്കുന്നതെന്നാണ് ഐടി വകുപ്പ് പുറത്തിറക്കിയിരിക്കുന്ന ഉത്തരവില് പറയുന്നത്.
വെളളിയാഴ്ച രാത്രി 10 മുതല് ഈ മാസം 15-ന് രാവിലെ പത്ത് മണി വരെ ഇ- ഓഫീസ് പ്രവര്ത്തനം നിലയ്ക്കുമെന്നാണ് അറിയിപ്പ്.
