മുംബൈ: മുംബൈയിലെ ഛത്രപതി ശിവാജി അന്താരാഷ്ട്ര വിമാനത്താവളത്തിലെ ടെർമിനൽ 1 ബിയിൽ വ്യാഴാഴ്ച വൻ തീപിടുത്തം. ടെർമിനലിനുള്ളിലെ കേബിൾ ട്രേകളിലും സ്വിച്ച് ബോക്സുകളിലും തീപിടിത്തമുണ്ടായതായി മുംബൈ അഗ്നിശമന സേനയുടെ ചീഫ് ഫയർ ഓഫീസർ രവീന്ദ്ര അംബുൾഗേക്കർ പറഞ്ഞു.
ഇതിനു പുറമെ ടെർമിനലിന്റെ താഴത്തെ നിലയിൽ മാത്രമാണ് തീ പടർന്നതെന്ന് റിപോർട്ടുകൾ സൂചിപ്പിക്കുന്നു. വിവരം ലഭിച്ചയുടനെ മുംബൈ അഗ്നിശമന സേനയും പോലീസും വാർഡ് ജീവനക്കാരും സ്ഥലത്തെത്തി തീ അണച്ചു. കൂടുതൽ അന്വേഷണം നടത്തുമെന്ന് ഉന്നത പോലീസ് ഉദ്യോഗസ്ഥർ അറിയിച്ചു.
