തിരുവനന്തപുരം:യുവാവിനെ സംഘം ചേര്ന്ന് മര്ദ്ദിച്ച ശേഷം വെട്ടിക്കൊലപ്പെടുത്താന് ശ്രമിച്ച കേസില് ഒരാളെ മെഡിക്കല് കോളേജ് പൊലീസ് അറസ്റ്റ് ചെയ്തു.ചെറുവയ്ക്കല് കുമാരപുരം കുമ്പിള്വീട് ഭാഗത്ത് താമസിക്കുന്ന കിരണ് (26) ആണ് പിടിയിലായത്. കഴിഞ്ഞ തിങ്കളാഴ്ച മെഡിക്കല് കോളേജിന് സമീപമുള്ള ബാറിന്റെ പാര്ക്കിംഗ് പ്രദേശത്ത് വച്ചായിരുന്നു ആക്രമണം.
കൊല്ലം സ്വദേശിയെ പിടിയിലായ കണ്ണന് എന്ന് വിളിക്കുന്ന കിരണും കൂട്ടാളികളും ചേര്ന്ന് ക്രൂരമായി മര്ദ്ദിക്കുകയും മാരകായുധങ്ങള് ഉപയോഗിച്ച് വെട്ടുകയുമായിരുന്നു.വ്യക്തിവൈരാഗ്യമാണ് അക്രമത്തിന് പിന്നിലെന്ന് പൊലീസ് പറഞ്ഞു.
കേസില് ഉള്പ്പെട്ട മറ്റ് പ്രതികള്ക്കായി അന്വേഷണം ഊര്ജിതമാക്കി. വധശ്രമം ഉള്പ്പെടെ വകുപ്പുകള് ചുമത്തിയാണ് കേസെടുത്തിരിക്കുന്നത്. പിടിയിലായ കിരണിനെ കോടതിയില് ഹാജരാക്കി റിമാന്ഡ് ചെയ്തു.
