പ്രിയദർശനൊപ്പമുള്ള പുതിയ ചിത്രമായ ഭൂത് ബംഗ്ലാ റിലീസിന് മുന്നോടിയായി ഡിംപിൾ കപാഡിയയ്ക്കൊപ്പം മഹാകാലേശ്വര ക്ഷേത്രത്തിൽ ദർശനം നടത്തി അക്ഷയ് കുമാർ . ചിത്രം ഏപ്രിൽ 10 ന് തിയേറ്ററുകളിൽ എത്തും.
പുറത്ത് വന്ന വീഡിയോകളിൽ, അക്ഷയ് കുമാറും , ഡിംപിൾ കപാഡിയയും ക്ഷേത്രത്തിൽ പ്രാർത്ഥന നടത്തുന്നത് കാണാം. മഹാദേവന്റെ അനുഗ്രഹം തേടി അക്ഷയ്കുമാർ ജലാഭിഷേകവും ക്ഷേത്രത്തിൽ നടത്തി.മറ്റൊരു വീഡിയോയിൽ, അക്ഷയ് കുമാർ നന്ദി ദേവന്റെ വിഗ്രഹത്തിന് മുന്നിൽ കുമ്പിട്ട് നന്ദിയുടെ ചെവിയിൽ ആഗ്രഹങ്ങൾ പറയുന്നതും കാണാം.
അക്ഷയ് കുമാറിന്റെ ഭാര്യ ട്വിങ്കിൾ ഖന്നയുടെ അമ്മയാണ് ഡിംപിൾ കപാഡിയ. 2001 ലാണ് ഇരുവരും വിവാഹിതരായത് .ആരവ്, നിതാര എന്നീ രണ്ട് മക്കളും ഇരുവർക്കുമുണ്ട്. ബാലാജി മോഷൻ പിക്ചേഴ്സും കേപ്പ് ഓഫ് ഗുഡ് ഫിലിംസും സംയുക്തമായാണ് അക്ഷയ് കുമാറിന്റെ പുതിയ ചിത്രമാണ് ഭൂത് ബംഗ്ലാ നിർമ്മിച്ചിരിക്കുന്നത് . പരേഷ് റാവൽ, രാജ്പാൽ യാദവ്, തബു, വാമിക ഗബ്ബി, ജിഷു സെൻഗുപ്ത എന്നിവരും ചിത്രത്തിൽ അഭിനയിക്കുന്നു.
