തിരുവനന്തപുരം: കോണ്ഗ്രസ് അധികാരത്തില് വന്നാല് റബ്ബറിന് 250 രൂപ വില നിശ്ചയിക്കുമെന്നാണ് കഴിഞ്ഞ ദിവസം ഉമ്മന്ചാണ്ടിയുടെ മകന് ചാണ്ടി ഉമ്മന്റെ തെരഞ്ഞെടുപ്പ് പ്രചാരണത്തിന് കോട്ടയത്ത് പോയ രാഹുല് ഗാന്ധി നല്കിയ വാഗ്ദാനം. ഇതോടെ കോണ്ഗ്രസ് ഭരിയ്ക്കുന്ന കര്ണ്ണാടകത്തിലെ റബ്ബര് കര്ഷകര് കടുത്ത പ്രതിഷേധത്തിലാണ്.
കര്ണ്ണാടകത്തില് റബ്ബറിന് അടിസ്ഥാനവില 182 രൂുപ മാത്രമാണ്. ഇത് 250 രൂപയാക്കണമെന്ന് ആവശ്യപ്പെട്ട് അവിടുത്തെ കര്ഷകര് എത്രയോ നാളായി സമരം ചെയ്തുവരികയാണ്. എന്തേ ഇവരുടെ പ്രതിഷേധം രാഹുല് ഗാന്ധി കണ്ടില്ലെന്നുണ്ടോ? എത്രയോ തവണ കര്ണ്ണാടകയില് പോകുന്ന രാഹുല് ഗാന്ധി എന്തുകൊണ്ടാണ് അവിടെ റബ്ബറിന് 250 രൂപ അടിസ്ഥാനവില ആക്കാന് സിദ്ധരാമയ്യയോടും ഡി.കെ. ശിവകുമാറിനോടും പറയുന്നില്ല? കോട്ടയത്തെ റബ്ബര് കര്ഷകരുടെ വോട്ടിന് വേണ്ടി വെറുതെയൊരു വാഗ്ദാനം വെച്ചുനീട്ടുമ്പോള് എന്തേ കര്ണ്ണാടകയിലെ റബ്ബര് കര്ഷകരെ ഓര്ത്തില്ല?
എന്തിന് കോട്ടയത്ത് മറ്റൊരു കാര്യം കൂടി രാഹുല് പറഞ്ഞു. റബ്ബര് വില ക്രമേണ 300 രൂപയാക്കും എന്നായിരുന്നു രാഹുലിന്റെ പ്രസ്താവന.. എന്തായാലും കര്ണ്ണാടകയിലെ റബ്ബര് കര്ഷകരുടെ വഴിയേ രാഹുല് ഗാന്ധി പോകാതിരിക്കുന്നതാണ് നല്ലതെന്നാണ് കര്ണ്ണാടകയില് രാഹുല് ഗാന്ധിയ്ക്കെതിരെ ഉയരുന്ന പരിഹാസം.
