സിജ പി.എസ്/ കെ.എസ്. ഉണ്ണികൃഷ്ണന്
പാലക്കാട് /തൃശൂര്: കേരളത്തിന്റെ വികസനം ബിജെപിയുടേയും എന്ഡിഎയുടേയും ലക്ഷ്യമെന്ന് പ്രധാനമന്ത്രി നരേന്ദ്രമോദി. എന്ഡിഎ തെരഞ്ഞെടുപ്പ് പ്രചാരണ റാലി പാലക്കാട് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദശകങ്ങളായി കേരളം സ്വാര്ത്ഥ രാഷ്ട്രീയത്തിന്റെ രണ്ടുമുഖങ്ങള്ക്കിടയില് കുടുങ്ങിക്കിടക്കുകയാണ്.യുഡിഎഫും എല്ഡിഎഫും കേരളത്തെ കൊള്ളയടിച്ചുകൊണ്ടിരിക്കുകയാണ്. വികസനമല്ല, വോട്ട് ബാങ്ക് മാത്രമാണ് ഇരുമുന്നണികളുടെയും ലക്ഷ്യം. ബിജെപി സര്ക്കാര് അതിവേഗത്തില് കേരളത്തില് വികസനം കൊണ്ടുവരും. അത് മോദിയുടെ ഗ്യാരണ്ടിയാണെന്നും അദ്ദേഹം ഉറപ്പുനല്കി.
ഇടതു-വലതു മുന്നണികളുടെ ഡീല് ആരോപണത്തിനെതിരെയും മോദി ശക്തമായി പ്രതികരിച്ചു. കോണ്ഗ്രസ് ബിജെപിയുടെ ബി ടീമെന്ന് സിപിഎം ആരോപിക്കുന്നു. കോണ്ഗ്രസ് നേരെ തിരിച്ചും പറയുന്നു. കേരളത്തില് എ ടീം ബിജെപി മാത്രമാണെന്ന് അവര് തന്നെ സമ്മതിച്ചിരിക്കുകയാണ്. അവര് ബിജെപിയെ ഭയപ്പെടുകയാണ്. കാരണം ബിജെപി അധികാരത്തില് വന്നാല് അവരുടെ വര്ഷങ്ങളായുള്ള എല്ലാ അഴിമതികളും അന്വേഷിക്കും.
യുപിഎ സര്ക്കാര് നല്കിയതിനേക്കാള് അഞ്ചിരിട്ടിയലധികം സഹായമാണ് ബിജെപി സര്ക്കാര് കേരളത്തിന് നല്കിയത്. നഗരവികസനം, റോഡ്, റെയില്വെ, കൃഷി, ജല്ജീവന് മിഷന്, പിഎംഎവൈ തുടങ്ങി വിവിധ പദ്ധതികള്ക്കായി കോടികള് നല്കി. എന്നാല്, സംസ്ഥാന സര്ക്കാര് ഈ പണം കട്ടുമുടിച്ചു.
ബിജെപി സംസ്ഥാന ജനറല് സെക്രട്ടറി എം.ടി. രമേശ് അധ്യക്ഷത വഹിച്ചു. ജില്ലയിലെ എന്ഡിഎ സ്ഥാനാര്ത്ഥികളായ ശോഭ സുരേന്ദ്രന്, സി. കൃഷ്ണകുമാര്, വി. ഉണ്ണികൃഷ്ണന് മാസ്റ്റര്, മേജര് രവി, ശങ്കു ടി.ദാസ്, രേണു സുരേഷ്, എ.എന്. അനുരാഗ്, അഡ്വ. പി.മനോജ്, കെ.വി. പ്രസന്നകുമാര്, എ. സുരേഷ്ബാബു, പ്രണേഷ് രാജേന്ദ്രന്, ഐസക് വര്ഗീസ്, ബിജെപി ദേശീയ വൈസ് പ്രസിഡന്റ് എ.പി. അബ്ദുള്ളക്കുട്ടി, മുന് സംസ്ഥാന അധ്യക്ഷന് സി.കെ. പത്മനാഭന്, എന്ഡിഎ സംസ്ഥാന ഉപാധ്യക്ഷന് എ.എന്. രാധാകൃഷ്ണന്, ബിജെപി സംസ്ഥാന ട്രഷറര് അഡ്വ. ഇ. കൃഷ്ണദാസ്, ട്വന്റി20 ചെയര്മാന് സാബു എം.ജേക്കബ്, പാലക്കാട് നഗരസഭ വൈസ് ചെയര്മാന് പി. സ്മിതേഷ്, ശിവസേന സംസ്ഥാന വൈസ് പ്രസി. ജി. ഹരികുമാര്, നാഷണലിസ്റ്റ് കേരള കോണ്ഗ്രസ് സംസ്ഥാന ചെയര്മാന് കുരുവിള മാത്യൂസ്, ജെആര്എസ് സംസ്ഥാന പ്രസിഡന്റ് ഇ.പി. കുമാരദാസ്, ബിജെപി ഈസ്റ്റ് ജില്ലാ അധ്യക്ഷന് പ്രശാന്ത് ശിവന്, വെസ്റ്റ് ജില്ലാ പ്രസിഡന്റ് പി.വേണുഗോപാലന് തുടങ്ങിയവര് പങ്കെടുത്തു. വി.പി. ശ്രീപദ്മനാഭന് പ്രധാനമന്ത്രിയുടെ പ്രസംഗം പരിഭാഷപ്പെടുത്തി.
പാലക്കാട് നിന്ന് തൃശൂരില്… ശക്തന്റെ മണ്ണിലേക്ക് ഒരിക്കല്ക്കൂടി നരേന്ദ്ര മോദി എത്തിയത് തിളങ്ങുന്ന വിജയം ഉറപ്പാക്കാന്. കാത്തുനിന്ന ജനസഹസ്രങ്ങള്ക്ക് മുന്നിലേക്ക് പ്രധാനമന്ത്രി എത്തിയപ്പോള് മോദി… മോദി വിളികളാല് സ്വരാജ് റൗണ്ട് മാറ്റൊലികൊണ്ടു. പാലക്കാട് എന്ഡിഎ തെരഞ്ഞെടുപ്പ് പൊതുസമ്മേളനത്തില് പങ്കെടുത്ത ശേഷമാണ് പ്രധാനമന്ത്രി തൃശൂരിലെത്തിയത്. ആയിരക്കണക്കിന് പ്രവര്ത്തകരും അനുഭാവികളും രാവിലെ മുതല് തന്നെ സ്വരാജ് റൗണ്ടിലേക്ക് ഒഴുകിയെത്തിയിരുന്നു. കുട്ടനെല്ലൂര് ഗവ. കോളജിലെ ഹെലിപാഡില് വൈകിട്ട് നാലരയോടെ എത്തിയ പ്രധാനമന്ത്രിയെ കേന്ദ്രമന്ത്രി സുരേഷ് ഗോപിയുടെ നേതൃത്വത്തില് സ്വീകരിച്ചു. തുടര്ന്ന് റോഡുമാര്ഗം സെന്റ് തോമസ് കോളജ് റോഡ് വഴി സ്വരാജ് റൗണ്ടിലേക്ക് എത്തി. പുഷ്പാലംകൃതമായ പ്രത്യേകം തയാറാക്കിയ തുറന്ന വാഹനത്തില് ജനറല് ആശുപത്രിക്ക് മുന്നില് നിന്ന് റോഡ് ഷോ ആരംഭിച്ചു.
പ്രധാനമന്ത്രിക്കൊപ്പം കേന്ദ്രമന്ത്രി സുരേഷ് ഗോപി, തൃശൂര് എന്ഡിഎ സ്ഥാനാര്ത്ഥി പത്മജ വേണുഗോപാല്, മണലൂര് സ്ഥാനാര്ത്ഥി അഡ്വ.കെ.കെ അനീഷ്കുമാര്, നാട്ടിക സ്ഥാനാര്ഥി സി.സി മുകുന്ദന് എന്നിവരാണ് തുറന്ന വാഹനത്തിലുണ്ടായിരുന്നത്. പുഷ്പവ്യഷ്ടി നടത്തിയാണ് പ്രധാനമന്ത്രിയുടെ വാഹനത്തെ ജനങ്ങള് എതിരേറ്റത്. സ്വരാജ് റൗണ്ടിന് ഒരുവശത്ത് മാത്രമാണ് ആളുകളെ നില്ക്കാന് അനുവദിച്ചിരുന്നത്. മോദിയുടെ ചിത്രം ആലേഖനം ചെയ്ത ബാനറുകള് ഉയര്ത്തിയും കാവി പതാകകള് വീശിയും ആളുകള് ആവേശത്തില് പങ്കാളികളായപ്പോള് സ്വരാജ് റൗണ്ട് അക്ഷരാര്ത്ഥത്തില് കാവിക്കടലായി. ജനറല് ആശുപത്രിക്ക് മുന്നില് നിന്ന് ആരംഭിച്ച റോഡ് ഷോ ഏകദേശം അര മണിക്കൂറോളം സമയമെടുത്താണ് സമാപന സ്ഥലമായ വടക്കേ ഗോപുര നടയിലെത്തിയത്. 5.20 ന് റോഡ് ഷോ സമാപിച്ചു.
