‘ മോദിക്ക് നന്ദി പറയുന്ന ലോകരാജ്യങ്ങൾ : എത്ര അടി ആണെങ്കിലും അവരെല്ലാം ഇന്ത്യയുടെ താൽപ്പര്യങ്ങൾക്ക് വേണ്ടി നിൽക്കും ‘ ;ജിതിൻ ജേക്കബ്

കൊച്ചി : ഇന്ത്യയെ കുറിച്ച് നൂറ് കുറ്റം പറയാൻ ഉണ്ടാകും, പക്ഷെ ചില കാര്യങ്ങളിൽ നമ്മൾ ലോകത്തിന് മാതൃക തന്നെയാണെന്ന് ജിതിൻ ജേക്കബ് . ഫേസ്ബുക്ക് പോസ്റ്റിലാണ് ജിതിന്റെ ഈ പരാമർശം. അടി ആണെങ്കിലും ഇന്ത്യയുടെ കാര്യം വരുമ്പോൾ ഇറാനും, ഇസ്രായേലും , റഷ്യയും, യുക്രെയ്നുമെല്ലാം ഇന്ത്യയുടെ താൽപ്പര്യങ്ങൾക്ക് വേണ്ടി നിലകൊള്ളുന്നുവെന്നും ജിതിൻ പറയുന്നു.

ഫേസ്ബുക്ക് പോസ്റ്റിന്റെ പൂർണ്ണരൂപം…

എത്ര മെയ്‌വഴക്കത്തോടെയാണ് നമ്മുടെ രാജ്യം വിദേശ രാജ്യങ്ങളുമായി നയതന്ത്ര ബന്ധം പുലർത്തുന്നത്…!
ആഗോള വെല്ലുവിളികൾ നിലനിൽക്കുന്ന സാഹചര്യത്തിലും ഗൾഫ് രാജ്യങ്ങളിലേക്കുള്ള ഭക്ഷ്യവിതരണം തടസ്സമില്ലാതെ തുടരാൻ ഇന്ത്യ ശക്തമായ ഇടപെടലുകൾ നടത്തുന്നതായി സാക്ഷ്യപ്പെടുത്തുന്നത് ലുലു ഗ്രൂപ്പ് ചെയർമാൻ എം.എ. യൂസഫ് അലി..!

ഇറാനുമേലുള്ള ഇസ്രായേൽ-അമേരിക്കൻ യുദ്ധം തുടർന്നുകൊണ്ടിരിക്കെ, ഇറാനിലേക്ക് ആദ്യഘട്ട മെഡിക്കൽ സഹായം എത്തിച്ച് ഇന്ത്യ. അത്യാവശ്യ മരുന്നുകൾ, പ്രഥമശുശ്രൂഷ കിറ്റുകൾ, മറ്റ് ആരോഗ്യ സംരക്ഷണ സാമഗ്രികൾ എന്നിവയുൾപ്പെടെയുള്ള ആദ്യഘട്ട സഹായമാണ് ഇന്ത്യ ഇറാനിൽ എത്തിച്ചത്.
പ്രതിസന്ധി ഘട്ടത്തിൽ തുണയായ ഇന്ത്യൻ ജനതയോടുള്ള നന്ദി ഒരിക്കലും പറഞ്ഞാൽ തീരാത്തതാണെന്ന് ഇന്ത്യയിലെ ഇറാൻ എംബസി അറിയിച്ചു..!
ഇറാനുമായുള്ള രൂക്ഷമായ സംഘർഷം തുടരവെ ഇന്ത്യൻ പ്രധാനമന്ത്രി നരേന്ദ്രമോദിക്ക് നന്ദി പറഞ്ഞ് ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു. നരേന്ദ്രമോദിയോട് സംസാരിച്ചുവെന്നും ഇസ്രയേലിനൊപ്പം നിൽക്കുന്നതിന് അദ്ദേഹത്തെ നന്ദി അറിയിച്ചുവെന്നും നെതന്യാഹു പറഞ്ഞു.
ഉക്രെയ്നിലെ സംഘർഷം അവസാനിപ്പിക്കാൻ പരിഹാരം കണ്ടെത്താൻ ശ്രമിച്ചതിന് പ്രധാനമന്ത്രി നരേന്ദ്ര മോദിയോട് റഷ്യൻ പ്രസിഡന്റ് വ്‌ളാഡിമിർ പുടിൻ നന്ദി പറഞ്ഞു.
റഷ്യയുമായുള്ള യുദ്ധം അവസാനിപ്പിക്കുന്നതിൽ ഇന്ത്യയുടെ പങ്ക് സ്മരിച്ചുകൊണ്ടാണ് സെലൻസ്കി രാജ്യത്തിനും പ്രധാനമന്ത്രിക്കും നന്ദി അറിയിച്ച് സോഷ്യൽ മീഡിയയിൽ കുറിപ്പ് പോസ്റ്റ് ചെയ്തു.
ഇന്നലെ ട്രമ്പ് സോഷ്യൽ മീഡിയയിൽ ഇങ്ങനെ കുറിച്ചു “Our amazing relationship with India will be even stronger going forward. Prime Minister Modi and I are two people that get things done, something that cannot be said for most.”..!
ഇപ്പോൾ ലോകത്ത് നടക്കുന്ന എല്ലാ യുദ്ധങ്ങളിലും ഏർപ്പെടുന്ന രാജ്യങ്ങളുമായി ഇന്ത്യ മികച്ച ബന്ധം ആണ് പുലർത്തുന്നത്. റഷ്യ എപ്പോഴും ഇന്ത്യയുടെ അടുത്ത സുഹൃത്ത് ആയിരിക്കുമ്പോഴും ഉക്രൈനുമായും നല്ല ബന്ധം ഇന്ത്യ തുടരുന്നു..!
ഇസ്രായേൽ ഇന്ത്യയുടെ ഏറ്റവും വലിയ സുഹൃത്ത് രാജ്യം ആയിരിക്കുമ്പോഴും ഇറാനുമായുള്ള പരമ്പരാഗതമായ സൗഹൃദം ഇന്ത്യ തുടരുന്നു.
ഇന്ത്യ ഗൾഫ് രാജ്യങ്ങൾക്കും സഹായം ചെയ്യും, ഇറാനും സഹായം ചെയ്യും, ഇനി വേണമെങ്കിൽ ഇസ്രായേലിനെയും സഹായിക്കും. എല്ലാ രാജ്യങ്ങളും നമ്മളോടും അതേ സൗഹൃദം പുലർത്തുകയും ചെയ്യുന്നു.
ഗൾഫിൽ നിന്ന് ഇന്ത്യയിലേക്ക് ഉള്ള ഉൽപ്പന്നങ്ങൾ ഇറാൻ തീരത്ത് കൂടി തടസ്സം ഇല്ലാതെ ഇന്ത്യയിലേക്ക് വരുന്നു. അവർ തമ്മിൽ അടി ആണെങ്കിലും ഇന്ത്യയുടെ കാര്യം വരുമ്പോൾ ഇന്ത്യയുടെ താൽപ്പര്യങ്ങൾക്ക് വേണ്ടി നിലകൊള്ളുന്നു.
ഇത് തന്നെയാണ് നമ്മുടെ ശക്തിയും. അതേസമയം ആവശ്യം ഇല്ലാതെ ഒന്നിലും നമ്മൾ തലയിടുകയുമില്ല. ഇന്ത്യയെ കയറി ചൊറിയരുത് എന്ന് മാത്രം.
എന്നാൽ പിന്നെ ഇന്ത്യക്ക് യുദ്ധങ്ങൾ അവസാനിപ്പിക്കാൻ ഇടപ്പെട്ട് കൂടെ എന്ന് ചോദിക്കുന്നവർക്ക് ഉള്ള മറുപടി കൃത്യമായി ഇന്ത്യ പറഞ്ഞിട്ടുണ്ട്. “ഇന്ത്യ ഒരു ദല്ലാൾ (broker) രാജ്യമല്ലെന്നും പാകിസ്ഥാനെപ്പോലെ മധ്യസ്ഥത പണി (meditation/brokerage) ചെയ്യുന്ന രാജ്യമല്ലെന്നും” വിദേശകാര്യ മന്ത്രി എസ്. ജയശങ്കർ വ്യക്തമാക്കിയത് കഴിഞ്ഞ ദിവസമാണ്. സ്വന്തം താൽപ്പര്യങ്ങൾ മുൻനിർത്തി ആണ് നമ്മൾ വിദേശനയം രൂപീകരിക്കുന്നത്.
അതേസമയം നമ്മുടെ സഹായം വാങ്ങിയ ശേഷം നമ്മളോട് നന്ദികേട് കാണിച്ചവരും ഉണ്ട് എന്ന് മറക്കുന്നില്ല. മാലിദ്വീപും, തുർക്കിയും തനിക്കൊണം കാണിച്ചു. നമ്മുടെ സഹായം എല്ലാം വാങ്ങിയിട്ട് പാകിസ്താന് ഒപ്പം നിലകൊണ്ടു.
ബംഗ്ലാദേശ് രൂപീകരണത്തിന് വേണ്ടി ആയിരക്കണക്കിന് ഇന്ത്യൻ സൈനികർ ആണ് വീരരുത്യു വരിച്ചത്. എന്നിട്ട് ബംഗ്ലാദേശ് ഇന്ത്യയോട് കാണിച്ചതോ..!
ഒന്നോർക്കുമ്പോൾ അവരെയൊക്കെ എന്തിന് നമ്മൾ കുറ്റപ്പെടുത്തണം..? ഇന്ത്യയിൽ പാകിസ്ഥാൻ മനസ് ഉള്ള എത്ര പേർ ജീവിക്കുന്നു, അത്രയും വരില്ലല്ലോ മാലിദ്വീപും, തുർക്കിയും, ബംഗ്ലാദേശുമെല്ലാം..!
തിരികെ നമ്മളെയും അവർ സഹായിക്കും എന്നോർത്തിട്ടൊന്നുമല്ല നമ്മൾ സഹായിക്കുന്നത്. നമ്മുടെ രാജ്യം ഇങ്ങനെയൊക്കെയാണ് ഭായ്.
ഇന്ത്യയെ കുറിച്ച് നമുക്ക് നൂറ് കുറ്റം പറയാൻ ഉണ്ടാകും, പക്ഷെ ചില കാര്യങ്ങളിൽ നമ്മൾ ലോകത്തിന് മാതൃക തന്നെയാണ്. ഇതിലൊക്കെ നമ്മൾ അഭിമാനിക്കുക തന്നെ വേണം. അതിന് പോലും കഴിയുന്നില്ല എങ്കിൽ അത് നിങ്ങളുടെ മാത്രം കുഴപ്പം ആണെന്നേ പറയാനുള്ളൂ.