ആലപ്പുഴ: തനിക്ക് ബിജെപി വോട്ടുകൾ ലഭിക്കുമെന്ന ജി.സുധാകരന്റെ പ്രസ്താവന മലർപൊടിക്കാരന്റെ ദിവാ സ്വപ്നം മാത്രമാണെന്ന് ബിജെപി നേതാവ് എൻ ഹരി. എൻഡിഎയുടെ വോട്ടുകൾ കൃത്യമായ രാഷ്ട്രീയ ബോധത്തോടെ വികസനത്തിനായി രേഖപ്പെടുത്തും, ഉജ്വല വിജയം കൈവരിക്കുകയും ചെയ്യുമെന്നും അദ്ദേഹം പറഞ്ഞു.
ബിജെപി വോട്ടുകൾ തനിക്ക് കിട്ടുമെന്ന് ജി. സുധാകരന്റെ പ്രസ്താവനയ്ക് മറുപടിയായാണ് എൻ. ഹരി ഇക്കാര്യം പറഞ്ഞത്. ഇത്തരത്തിലുള്ള ഒരു ബോധം അദ്ദേഹത്തിന് എങ്ങനെ പിടിപെട്ടു എന്നാണ് അറിയാനുള്ളത്.
കഴിഞ്ഞ ദിവസവും പിണറായി തന്നെ മുഖ്യമന്ത്രിയാവണം എന്നാഗ്രഹം പ്രകടിപ്പിച്ച വ്യക്തിയാണ് സുധാകരൻ. തെരഞ്ഞെടുപ്പ് ഫലത്തിനുശേഷം ഞങ്ങളുടെ വാക്കുകൾ ശരിയാണെന്ന് തെളിയിക്കപ്പെടുമെന്നും എൻ. ഹരി പറഞ്ഞു. യുഡിഎഫിന്റെ അമ്പലപ്പുഴ മണ്ഡലം തിരഞ്ഞെടുപ്പ് കൺവെൻഷൻ വേദിയിലായിരുന്നു സുധാകരന്റെ വാക്കുകൾ. ഭൂരിപക്ഷത്തിന്റെയും വോട്ടിന്റെയും കണക്കുകൾ പറഞ്ഞപ്പോഴാണ് 5000 ബിജെപി വോട്ടുകൾ തനിക്ക് കിട്ടുമെന്നും അവരെല്ലാവരും ആർഎസ്എസുകാർ അല്ലെന്നും സുധാകരൻ വ്യക്തമാക്കിയത്.
