കുവൈറ്റ് സിറ്റി: മിഡിൽ ഈസ്റ്റിലെ സംഘർഷം നാലാം ആഴ്ചയിലേക്ക് കടക്കുമ്പോൾ എക്സിൽ യുദ്ധത്തിന്റെ തീവ്രത വ്യക്തമാക്കുന്ന ഒരു വീഡിയോ വൈറലാകുന്നുണ്ട്. കുവൈറ്റിൽ യുഎസ് സൈന്യത്തിന്റെ മറ്റൊരു എഫ്-15ഇ സ്ട്രൈക്ക് ഈഗിൾ വിമാനം തകർന്നുവീഴുന്നത് ഈ വീഡിയോയിൽ കാണാം. 29 സെക്കൻഡ് ദൈർഘ്യമുള്ള തീയതിയില്ലാത്ത വീഡിയോയിൽ എല്ലാ കാലാവസ്ഥയിലും ഉപയോഗിക്കാവുന്ന 4.5 തലമുറ യുദ്ധവിമാനമായ എഫ്-15, കുവൈറ്റ് നഗരത്തിലെ ഒരു ജനവാസ മേഖലയ്ക്ക് സമീപം തകർന്നുവീഴുന്നതാണ് കാണിക്കുന്നത്.
ഞായറാഴ്ച ഹോർമുസ് ദ്വീപിനടുത്ത് ‘ശത്രു’വിന്റെ എഫ്-15 ജെറ്റ് ഇറാനിയൻ വ്യോമ പ്രതിരോധ സംവിധാനം വെടിവച്ചിട്ടതായി ഇറാനിയൻ സ്റ്റേറ്റ് മാധ്യമങ്ങൾ അവകാശപ്പെട്ട സമയത്താണ് വീഡിയോ വൈറലായത്. ഈ അവകാശവാദങ്ങളെ പിന്തുണയ്ക്കുന്ന ഒരു വീഡിയോയും ഇറാനിയൻ മാധ്യമങ്ങൾ പുറത്തുവിട്ടിരുന്നു.
https://x.com/clashobserver/status/2036011994487406720?s=20
അതേ സമയം തന്നെ അമേരിക്കൻ സൈന്യം അപകടത്തെക്കുറിച്ച് ഒരു പ്രസ്താവനയും പുറത്തിറക്കിയിട്ടില്ല. എന്നാൽ വിമാനം താഴേക്ക് വീഴുന്നതിന് മുമ്പ് പൈലറ്റ് സുരക്ഷിതമായി രക്ഷപ്പെടാൻ കഴിഞ്ഞുവെന്ന് ചില മാധ്യമ റിപ്പോർട്ടുകൾ അവകാശപ്പെടുന്നുണ്ട്. കൂടാതെ ഇതുവരെ കുവൈത്തിൽ മൂന്ന് എഫ്-15 വിമാനങ്ങൾ നഷ്ടപ്പെട്ടതായി യുഎസ് ഔദ്യോഗികമായി സ്ഥിരീകരിച്ചിട്ടുണ്ട്.
പക്ഷേ എല്ലാം തീപിടുത്തം മൂലമാണ് ഇത് സംഭവിച്ചത്. ഈ മാസം തുടക്കത്തിലായിരുന്നു ഇതെല്ലാം തകർന്ന് വീണത്. എന്നാൽ എല്ലാ പൈലറ്റുമാരും സുരക്ഷിതമായി പുറത്തേക്ക് ഇറങ്ങാൻ കഴിഞ്ഞു. സമഗ്രമായ അന്വേഷണം നടത്തി കൂടുതൽ വിവരങ്ങൾ പിന്നീട് പുറത്തുവിടുമെന്നും സെൻട്രൽ കോം പിന്നീട് പറഞ്ഞിരുന്നു.
