തിരുവനന്തപുരം: നൂറുകണക്കിന് പ്രവര്ത്തകരുടെ അകമ്പടിയോടുകൂടി മലയിന്കീഴ്ജംഗ്ഷനില് നിന്നും റോഡ് ഷോകൂടിയായിരുന്നു കാട്ടാക്കട നിയോജകമണ്ഡലത്തിലെ എന് ഡി എ സ്ഥാനാര്ഥി പി കെ കൃഷ്ണദാസിന്റെ തെരഞ്ഞെടുപ്പ് കണ്വെന്ഷന് നടന്നത്. കണ്വെന്ഷന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഉദ്ഘാടനം ചെയ്തു. വികസിത കേരളത്തിന് വേണ്ടിയിട്ടുള്ള തെരഞ്ഞെടുപ്പാണ് കേരളത്തില് നടക്കുന്നത്. ജനങ്ങള്ക്ക് വേണ്ടി 365 ദിവസവും പ്രവര്ത്തിക്കുന്ന നേതാവാണ് പി കെ കൃഷ്ണദാസ് എന്നും രാജീവ്ചന്ദ്രശേഖര് പറഞ്ഞു. വിവിധ രാഷ്ട്രീയ പാര്ട്ടികളില് നിന്നും എത്തിയ നിരവധിപേരെ സംസ്ഥാന അധ്യക്ഷന് സ്വീകരിച്ചു.
കാട്ടാക്കടയുടെ വികസനം നരേന്ദ്രമോദിയുടെ ഗ്യാരണ്ടിയാണെന്ന് പി കെ കൃഷ്ണദാസ് പറഞ്ഞു . വികസനം എന്നു പറയുന്നത് നാട്ടിലെ മുഴുവന് ജനങ്ങള്ക്കും അനുഭവിക്കാന് പറ്റുന്ന വികസനമാണ് നടത്തേണ്ടതെന്നും സ്ഥാനാര്ഥി പി കെ കൃഷ്ണദാസ് കൂട്ടിച്ചേര്ത്തു.
ബിജെപി തിരുവനന്തപുരം സൗത്ത് ജില്ലാ പ്രസിഡണ്ട് മുക്കംപാലമൂട്ബിജു അധ്യക്ഷത വഹിച്ച ചടങ്ങില് എന് ഡി എ വൈസ് ചെയര്മാന് വിഷ്ണുപുരം ചന്ദ്രശേഖരന് , ശിവസേന സംസ്ഥാന സെക്രട്ടറി കൃഷ്ണന്കുട്ടി,ബിഡിജെഎസ് ജില്ലാ പ്രസിഡന്റ് പരുത്തിപ്പള്ളി സുരേന്ദ്രന് , കെപിഎംഎസ് താലൂക്ക് സെക്രട്ടറി കുമാര്, ഗ്രാമപഞ്ചായത്ത് പ്രസിഡന്റുമാരായ പി എസ് മായ, പി സൗമ്യ, ബിജെപി നേതാക്കളായ, തകഴി അപ്പുക്കുട്ടന്, വിളവൂര്ക്കല് ഉണ്ണി, മലയിന്കീഴ് രാധാകൃഷ്ണന്, കാട്ടാക്കട ഹരി, പേയാട് കാര്ത്തികേയന്, ദീപക്ക് വിളപ്പില്, കുന്നു വിള സുധീഷ് തുടങ്ങിയവര് പങ്കെടുത്തു.
