ചെന്നൈ: സിഎസ്ഐ ദക്ഷിണ കേരള മഹാഇടവകയ്ക്ക് പുതിയ ബിഷപ്പ്.ചെന്നൈയില് സിഎസ്ഐ സിനഡ് ഓഫീസില് നിന്ന് തിരുവനന്തപുരം വെങ്ങാനൂര് സ്വദേശി റവ.പ്രിന്സ്റ്റണ് ബെന്നിനെ ബിഷപ്പ് ആയി പ്രഖ്യാപിച്ചു.
നാല് വൈദികരുടെ പാനലില് നിന്നാണ് റവ.പ്രിന്സ്റ്റണ് ബെന്നിനെ തെരഞ്ഞെടുത്തത്.മൂന്ന് പേരാണ് അഭിമുഖത്തിന് എത്തിയത്. നിലവില് മഹാഇടവക വൈസ് ചെയര്മാന് ആണ് റവ.പ്രിന്സ്റ്റണ് ബെന്.
ധര്മരാജ് റസാലം അയോഗ്യനാക്കപ്പെട്ട ശേഷം മഹാഇടവകയുടെ ആദ്യ ബിഷപ്പാണ് റവ.പ്രിന്സ്റ്റണ് ബെന്.2024 സെപ്തംബര് മുതല് മഹാഇടവകയ്ക്ക് ബിഷപ്പ് ഉണ്ടായിരുന്നില്ല. സ്ഥാനാരോഹണം ഞായറാഴ്ച ഉച്ചയ്ക്ക് ഒരു മണിക്ക് തിരുവനന്തപുരം സിഎസ്ഐ എംഎം കത്തീഡ്രലില് നടക്കും.
നിയമസഭ തെരഞ്ഞെടുപ്പിലെ സിഎസ്ഐ നിലപാട് ഈ മാസം 30ന് പ്രഖ്യാപിക്കുമെന്ന് നിയുക്ത ബിഷപ്പ് പ്രിന്സ്റ്റന് ബെന് പറഞ്ഞു. ബിഷപ്പ് പദവി ദൈവനിയോഗവും ജനത്തിന്റെ ആഗ്രഹത്തിന്റെ സാക്ഷാത്കാരവുമാണെന്ന് അദ്ദേഹം പ്രതികരിച്ചു. സഭയില് എന്തെങ്കിലും വിഭാഗീയത ഉണ്ടായാല് പ്രാര്ത്ഥനയിലൂടെ പരിഹരിക്കും.
