ലക്നൗ : 6 വയസ്സുള്ള കൊച്ചുമകളെ വീടിനുള്ളിൽ വെച്ച് പീഡിപ്പിക്കാൻ ശ്രമിച്ച മുത്തച്ഛൻ അറസ്റ്റിൽ . ഉത്തർപ്രദേശിലെ ഭദോഹിയിലാണ് സംഭവം. 58 കാരൻ അബ്ദുൾ അയൂബാണ് അറസ്റ്റിലായത്.
മാർച്ച് 17 ന് പുലർച്ചെ 5:00 മണിയോടെയാണ് സംഭവം . ആ സമയത്ത്, കുട്ടി വീടിന്റെ മുകൾ നിലയിലായിരുന്നു, മറ്റ് കുടുംബാംഗങ്ങൾ താഴത്തെ നിലയിലായിരുന്നു. ഈ സമയത്ത് കുട്ടിയുടെ നിലവിളിയും കരച്ചിലും കേട്ട് കുടുംബാംഗങ്ങൾ ഉടൻ തന്നെ മുകളിലേക്ക് ഓടി എത്തി.
അയൂബ് കുട്ടിയെ ആക്രമിക്കാൻ ശ്രമിക്കുന്നത് കണ്ട കുടുംബാംഗങ്ങൾ അയൂബിനെ പിടികൂടി. എന്നാൽ കുട്ടിയെ ആശുപത്രിയിലേക്ക് കൊണ്ടുപോകുന്നതിനിടെ, പ്രതി സംഭവസ്ഥലത്ത് നിന്ന് ഓടി രക്ഷപ്പെട്ടു. മാതാപിതാക്കൾ നൽകിയ പരാതിയെ തുടർന്ന് പൊലീസിൽ നടത്തിയ തിരച്ചിലിൽ പ്രതിയെ അറസ്റ്റ് ചെയ്തു.ബലാത്സംഗം, പോക്സോ നിയമം എന്നിവയുമായി ബന്ധപ്പെട്ട ഗുരുതരമായ വകുപ്പുകൾ പ്രകാരം പ്രതിക്കെതിരെ കേസ് രജിസ്റ്റർ ചെയ്തിട്ടുണ്ട്.
