തൃശൂര് : ആവേശമുയര്ത്തി മണലൂര്, നാട്ടിക മണ്ഡലങ്ങളില് കേന്ദ്രമന്ത്രി സുരേഷ് ഗോപിയുടെ പര്യടനം. എന്ഡിഎ സ്ഥാനാര്ത്ഥികളെ വിജയിപ്പിക്കണമെന്ന് ആവശ്യപ്പെട്ട് സുരേഷ് ഗോപി ഇന്നലെ മണലൂരിലും നാട്ടികയിലും വിവിധ പരിപാടികളില് പങ്കെടുത്തു.
രാവിലെ ഏഴു മുതല് ഉച്ചവരെ മണലൂര് മണ്ഡലത്തിലെ വിവിധ കേന്ദ്രങ്ങളില് വോട്ടര്മാരെ സന്ദര്ശിച്ച് സുരേഷ് ഗോപി വോട്ടഭ്യര്ത്ഥിച്ചു. മണലൂരിലെ എന്ഡിഎ സ്ഥാനാര്ത്ഥി അഡ്വ.കെ. കെ.അനീഷ് കുമാറും സുരേഷ് ഗോപിക്കൊപ്പം ഉണ്ടായിരുന്നു. മണലൂരിന്റെ വികസനത്തിന് അനീഷ് കുമാറിനെ വിജയിപ്പിക്കണമെന്ന് കേന്ദ്രമന്ത്രി അഭ്യര്ത്ഥിച്ചു.
നിരവധി വികസന പദ്ധതികള് നടപ്പാക്കേണ്ട ഇടമാണ് മണലൂര്. കേന്ദ്രസര്ക്കാരിന്റെ വിവിധ പദ്ധതികള് മണ്ഡലത്തില് പൂര്ണമായ അര്ത്ഥത്തില് നടപ്പാകണമെങ്കില് എന്ഡിഎ സ്ഥാനാര്ഥി വിജയിക്കണം. തുടര്ച്ചയായി സംസ്ഥാന ഭരണത്തില് എത്തുന്നവര് കേന്ദ്ര പദ്ധതികള്ക്ക് തുരങ്കം വയ്ക്കുകയാണ്. എംപി ഫണ്ട് അനുവദിക്കുന്നതുപോലും പ്രയോജനപ്പെടുത്തുന്നില്ല. സുരേഷ് ഗോപി ചൂണ്ടിക്കാട്ടി.
തുടര്ന്ന് നാട്ടിക മണ്ഡലത്തില് സ്ഥാനാര്ത്ഥി സി.സി മുകുന്ദനൊപ്പം കേന്ദ്രമന്ത്രി വിവിധ ഇടങ്ങളില് പര്യടനം നടത്തി. കുടുംബയോഗത്തിലും പങ്കെടുത്തു. സി.സി.മുകുന്ദന് രാഷ്ട്രീയമായി എതിര്ചേരിയില് ആയിരുന്നപ്പോഴും ബഹുമാനമുള്ള രാഷ്ട്രീയ നേതാവായിരുന്നുവെന്നും സ്വന്തം കാര്യത്തെക്കാള് ഉപരി സമൂഹ കാര്യങ്ങള്ക്ക് പ്രാധാന്യം കൊടുക്കുന്ന വ്യക്തിത്വമെന്നും സുരേഷ് ഗോപി പറഞ്ഞു. സി.സി. മുകുന്ദനെ വിജയിപ്പിക്കേണ്ടത് നാടിന്റെ ആവശ്യമാണ്. ആ കര്ത്തവ്യം എല്ലാവരും ഏറ്റെടുക്കണം. സുരേഷ് ഗോപി ചൂണ്ടിക്കാട്ടി. സിറ്റി ജില്ലാ പ്രസിഡന്റ് ജസ്റ്റിന് ജേക്കബ്,മറ്റ് നേതാക്കള് തുടങ്ങിയവരും പങ്കെടുത്തു.
