കൊച്ചി :നടി വീണാ നായര് ട്വന്റി20 സ്ഥാനാര്ഥിയായി ഏറ്റുമാനൂരില് മത്സരിക്കും. കിഴക്കമ്പലത്ത് വാര്ത്താസമ്മേളനത്തില് സാബു ജേക്കബാണ് വീണയുടെ സ്ഥാനാര്ഥിത്വം പ്രഖ്യാപിച്ചത്. വീണയും വാര്ത്താ സമ്മേളനത്തില്പങ്കെടുത്തു.
പഠന സമയത്ത് എസ്എഫ്ഐക്കാരി ആയിരുന്നുവെന്ന് വീണാ നായര് പറഞ്ഞു.അഭിനയത്തിലേക്ക് വന്ന ശേഷം പ്രത്യക്ഷമായല്ലെങ്കിലും സാമൂഹിക രംഗങ്ങളില് ഇടപെട്ടിരുന്നു.
പാര്ട്ടി പിന്തുണ നല്കുമ്പോള് ഇതുവരെ ചെയ്തതിനേക്കാള് കൂടുതല് കാര്യങ്ങള് ചെയ്യാന് പറ്റും. അതിനുള്ള നല്ല മാധ്യമമായായി ട്വന്റി 20യെ കാണുന്നു.
അങ്കമാലിയില് റിയാലിറ്റി ഷോ താരവും സോഷ്യല് മീഡിയ ഇന്ഫ്ളുവന്സറുമായ പ്രോമി കുര്യാക്കോസ് മത്സരിക്കും. തൃപ്പൂണിത്തുറ മണ്ഡലത്തില് നടി അഞ്ജലി നായര് സ്ഥാനാര്ത്ഥിയാകും.
പെരുമ്പാവൂരില് നടി ലക്ഷ്മിപ്രിയ സ്ഥാനാര്ത്ഥിയാകും. അഖില് മാരാര്ക്ക് ശേഷം താരങ്ങളെ സ്ഥാനാര്ത്ഥികളായി പ്രഖ്യാപിച്ചിരിക്കുകയാണ് ട്വന്റി 20. ഇതില് ഏറ്റവും പ്രധാനം ഏറ്റുമാനൂരും തൃപ്പൂണിത്തുറയുമാണ്.
